АБНА24 Хәбәр Верир, Фәләстин хариҹи ишләр назирлији дүнән ҝеҹә бир бәјанатда дүнја иҹтимаијјәтинин сионист режимин ҹинајәтләри гаршысындакы тәдбирләрини јетәрсиз адландырыб. Билдириб ки, бу реаксијалар сионист режими Фәләстин әразиләрини оғурламағы вә онларда сионист гәсәбәсалмалары дајандырмаға вадар етмәк үчүн реал бејнәлхалг аддылмларла нәтиҹәләнмәлидир.
Бу фәләстинли орган һәмчинин сионист гәсәбә сакинләринин вә онларын террорчу тәшкилатларынын Иорданија дәрәсиндәки су бөлҝәсинә һөкмранлыгларыны вә бу бөлҝәдә Фәләстин халгынын мәскунлашмасына гаршы ашкар саваша тәбир едилән гәсәбәсалма әмәлијјатларынын башланмасыны писләјиб.
Фәләстин хариҹи ишләр назирлији сионист режимин баш назиринин Суријанын гәсб олунмуш Ҹөвлан јүксәкликләриндә ики јени гәсәбәнин салынмасы вә Суријанын бу бөлҝәсиндә мөвҹуд олан гәсәбәсалмалар мәркәзинин инкишаф етдирилмәси илә сионист гәсәбәсалмаларын ҝенишләндирилмәси үзрә планларыны писләјиб.
Сионист режимин ишғал олунмуш Гүдсүн ҹәнубунда јерләшән «Бејт-Сәфафа» гәсәбәсинин әтрафында «Ҹифәәат Һәшакид» адында јени гәсәбәнин салынмасы үчүн јени гәсәбәсалма лајиһәсини тәгдим етдијини билдирән бу фәләстинли орган гејд едиб ки, сионист режим Гүдс шәһәринин мүхтәлиф нөгтәләриндә фәләстинлиләрин мәнзилләрини дағытмаг вә онун сакинләрини дидәрҝин салмағы ҝүҹләндирибдир.
Сионист режимин ҹинајәти вә сионист гәсәбәсалмаларынын нәтиҹәләри һагда хәбәрдарлыг едән Фәләстин хариҹи ишләр назирлији вурғулајыб ки, сүлһүн бәргәрары үчүн јеҝанә јол, мүстәгил Фәләстин өлкәсинин тәшкилидир.
Сионист режимин Һааретс гәзети билдириб ки, бу режимин баш назири Нафтали Бенет «әһалинин артымыны чохалтмаг» шүары илә Суријанын гәсб олунмуш Ҹөвлан јүксәкликләриндә ики гәсәбәнин иншасыны сүрәтләндирмәк үчүн еколоҝија тәрәфдары олан груплардан һеч бир мүхалифәт ҝөрмәдән, ҝениш ихтијарларла сионист режим парламенти- кнессетин нүмајәндәрләринин иштиракы олмадан бир планлашдырма вә тикинти комитәси јаратмаға чалышыр.
342/
12 dekabr 2021 - 11:34
Xəbər kodu: 1207820
Фәләстин хариҹи ишләр назирлији сионист режимин гәсб олунмуш Фәләстин әразиләриндә вә Суријанын гәсб олунмуш Ҹөвлан јүксәкликләриндә сионист гәсәбәсалмаларынын дајандырылмасы үчүн чәкиндириҹи тәдбирләрин ҝөрүлмәсини истәјиб.
