Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, “Тибби сығорта һаггында” гануна өтән ил едилмиш дәјишикликләрә ҝөрә, 2022-ҹи илдән етибарән гејри-дөвләт вә гејри-нефт секторунда чалышан ишәҝөтүрән вә ишчиләрдән ајлыг һесабланмыш әмәјин өдәниши фондунун 8.000 маната гәдәр олан һиссәсиндән 2 фаиз иҹбари тибби сығорта һаггы тутулаҹаг.
Гафгазинфо бу мәгамда һәр ики секторда ишләјән ишәҝөтүрән вә ишчиләрин әмәкһаггындан 2022-ҹи илдән етибарән нә гәдәр сығорта һаггы тутулаҹағы илә марагланыб. Иҹбари Тибби Сығорта Аҝентлијиндән сорғумуза нүмунәләр әсасында ҹаваб верилиб. Билдирилиб ки, 2022-ҹи илдән етибарән һесабланма гајдасы ашағыдакы кими олаҹаг.
Нүмунә илә изаһ едәк:
• Ишәҝөтүрән тәрәфиндән.
1. Ишәҝөтүрән ишчијә ајлыг 700 манат әмәкһаггы мүәјјән едиб. Јәни, ишәҝөтүрән ишчи үчүн һәмин мәбләғин 2%-и, ајлыг 14 манат (700*2%=14) иҹбари тибби сығорта һаггы өдәјәҹәк.
2. Ишәҝөтүрән ишчијә ајлыг 8500₼ әмәкһаггы мүәјјән едиб. Бу һалда 8000 манатын 2%-и, јәни 160 манат (8000*2%=160), галан 500 манатын исә 0.5%-и, јәни 2.5 манат (500*0.5%=2.5) иҹбари тибби сығорта һаггы һесабланыр.
Нәтиҹәдә ишәҝөтүрән ишчи үчүн ајлыг 162.5 манат иҹбари тибби сығорта һаггы өдәјәҹәк.
• Ишчи тәрәфиндән
1. Ишчинин ајлыг әмәкһаггы (әлавә, мүкафат вә с. дахил олмагла) 700 манатдыр. Бу һалда, онун әмәкһаггындан 2%, јәни ајлыг 14 манат (700*2%=14) иҹбари тибби сығорта һаггы тутулаҹаг.
2. Ишчинин ајлыг әмәкһаггы (әлавә, мүкафат вә с. дахил олмагла) 8500 манатдыр. Бу заман 8000 манатын 2%-и, јәни 160 манат (8000*2%=160), галан 500 манатын исә 0.5%-и, јәни 2.5 манат (500*0.5%=2.5) иҹбари тибби сығорта һаггы һесабланыр.
Нәтиҹәдә ишчинин әмәкһаггындан ајлыг 162.5 манат иҹбари тибби сығорта һаггы тутулаҹаг.
Диггәт: Хәбәрдән Истифадә Етдикдә Мәнбәјә Истинад Лазымдыр!
