АБНА24 Хәбәр Верир, Ахар.аз порталы бу барәдә јазыр: Шимал-Ҹәнуб бејнәлхалг нәглијјат лајиһәсинин Гәрб маршрутунун ҝенишләндирилмиш Фарс Көрфәзи-Гара Дәниз формасы олан бу лајиһәнин иҹрасы үчүн вахтилә Теһрандан Бакыја тәклифләр едилирди, лакин хүсусилә Иранын Түркијә маршрутуна алтернативин јарадылмасы планы Азәрбајҹанын тәрәддүдләринә сәбәб олурду. Инди ситуасија дәјишиб: Икинҹи Гарабағ мүһарибәсиндән сонра 3+3 адлы әмәкдашлыг форматы Ираны да өз дахилиндә ҝөрүр вә Анкара да Һинд Океанына чыхыш үчүн бу дәһлиздән истифадә етмәк нијјәтиндәдир.
Хәбәр портал гејд едир ки, Иран бу дәһлизлә Авропа базарына чыхыш имканыны шахәләндирмәји дүшүнүр. Бу бахымдан, Теһранын бу дәһлиз үзәриндән әлдә етмәк истәдији ики газанҹ вар:
Биринҹиси, мүһарибәдән сонра Ҹәнуби Гафгазда ојундан кәнарда галмајаҹаг;
Икинҹиси, “бир кәмәр, бир јол” лајиһәсинин Иран үзәриндән кечән Ҹәнуб дәһлизинин потенсиалыны артырыр.
Мүәллиф һесаб едир ки, бу лајиһәдә итирән әсас тәрәф Етмәнистандыр.
Хатырладаг ки, Иран Ислам Республикасынын Јоллара Нәзарәт вә Нәглијјат Тәшкилатынын транзит вә бејнәлхалг нәглијјат шөбәсинин мүдири Иран, Азәрбајҹан Республикасы вә Ҝүрҹүстанын Фарс Көрфәзинин Гара Дәнизә говушмасы вә транзит јолунун ишлә салынмасы үзрә үчтәрәфли разылашманын әлдә олундуғуну хәбәр вериб.
Ҹавад Һидајәти ЫСНА илә мүсаһибәдә билдириб ки, јени транзит јолунун ишә салынмасы Фарс Көрфәзини Гара Дәнизә говушдура биләр.
Һидајәти сонра белә сөјләјиб: Азәрбајҹан Республикасы вә Ҝүрҹүстанын нәглијјат рәсмиләрилә әлдә олунан разылашмаја әсасән, һәр өлкәдән олан ҝәмиләр Ирандан јүкләниб, Иранын ихраҹат малларыны мәгсәдә чатдырмалыдырлар.
342/
10 dekabr 2021 - 09:59
Xəbər kodu: 1207070
Иран, Азәрбајҹан вә Ҝүрҹүстанын Фарс Көрфәзи-Гара Дәниз маршруту үзәриндә разылашмасы Азәрбајҹан медиасында мәмнунијјәтлә гаршыланыб.
