АБНА24 Хәбәр Верир, назирлијин јајдығы бәјанатда Азәрбајҹан президенти Илһам Әлијевин “Занҝезур дәһлизи” илә бағлы сон ачыгламасына ҹаваб олараг дејилир: “Ермәнистан, Азәрбајҹан вә Русија арасында имзаланмыш 9 нојабр 2020-ҹи ил, 11 јанвар вә 26 нојабр 2021-ҹи ил тарихли бәјанатлара әсасән Ермәнистан Республикасынын Азәрбајҹана дәһлиз вермәк өһдәлији, шәрти вә разылашмасы јохдур. 9 нојабр 2020-ҹи ил тарихли үчтәрәфли бәјанатда исә јалныз тәрәфләрин реҝионда бүтүн игтисади вә нәглијјат әлагәләрини блокдан чыхармаг барәдә разылыға ҝәлдији билдирилир.
Бәјанатда гејд олунур ки, Ермәнистан Республикасы Азәрбајҹанын гәрб рајонлары илә Нахчыван Мухтар Республикасы арасында нәглијјат әлагәсинин тәһлүкәсизлијинә тәминат верир вә рәсми Ирәван реҝионда бүтүн нәглијјат вә игтисади әлагәләри блокдан чыхармагда мараглыдыр.
Ермәнистан ХИН вурғулајыр ки, Азәрбајҹан президентинин бәјанатларынын 9 нојабр, 11 јанвар вә 26 нојабр бәјанатлары илә һеч бир әлагәси јохдур, бунлар үчтәрәфли ишчи групунда вә Сочидә әлдә олунан разылашмалара зиддир, гејри-конструктив вә тәхрибатчы мәгсәдләр ҝүдүр, Ермәнистан Республикасынын әрази бүтөвлүјү вә суверенлијинә тәһлүкә јаратмаг мәгсәди дашыјырлар.
Гејд едәк ки, Президент Илһам Әлијев декабрын 6-да Губанын Гонагкәнд гәсәбәсиндә сакинләрлә ҝөрүшү заманы дејиб: "Бизә тарих версинләр, Зәнҝәзур дәһлизи нә вахт ачылаҹаг вә белә олан һалда, һеч бир проблем олмајаҹаг. Она ҝөрә һесаб едирәм ки, һәм Ермәнистан рәһбәрлији, һәм Ермәнистан иҹтимаијјәти, әһалиси буну баша дүшмәлидир. Биз истәдијимизә наил олмушуг, олуруг вә олаҹағыг. Јахшы олар ки, бу мәсәлә конструктив шәкилдә данышыглар јолу илә, гаршылыглы анлашма јолу илә һәлл олунсун. Чүнки Икинҹи Гарабағ мүһарибәси бүтүн дүнјаја халгымызын ирадәсини, ҝүҹүнү вә бирлијини ҝөстәрди.", - дејә Азәрбајҹан дөвләт башчысы билдриб.
342/
9 dekabr 2021 - 16:27
Xəbər kodu: 1206912
Емәнистан Хариҹи Ишләр Назирлији Азәрбајҹан президентини коммуникасијалар мәсәләсинә гејри-сәмими јанашмада иттиһам едиб.
