АБНА24 Хәбәр Верир, Сәидә Гоҹаманлынын сөзләринә ҝөрә, назир һүгуг мүдафиәчилләриндә нараһатлыг доғуран мәсәләләрлә бағлы Мониторинг Групу илә диалога һазыр олдуғуну билдириб.
Үмумиликдә сијаси мәһбуслар мәсәләсинә тохунан һүгуг мүдафиәчиси билдириб ки, бу ҝүн Салеһ Рүстәмовун талеји Мониторинг Групунун ән бөјүк нараһатчылығына сәбәб олур.
"О, артыг 28 ҝүндүр аҹлыг едир. Групумуз нојабрын 30-да Пенитенсиар Хидмәтин Мүалиҹә Мүәссисәсиндә она баш чәкиб. Онун вәзијјәти нараһатлыг доғурур. Һесаб едирик ки, Биринҹи Гарабағ мүһарибәсиндәки хидмәтләри, Башкәнд әмәлијјатыны һәјата кечирмәси, һабелә әлил оғлу олдуғу нәзәрә алынараг, Салеһ Рүстәмов азад едилә биләр вә едилмәлидир", дејә Гоҹаманлы билдириб.
Халг Ҹәбһәси Партијасынын тәрәфдары, Биринҹи Гарабағ мүһарибәсинин ветераны Салеһ Рүстәмов 2018-ҹи илин мајында һәбс едилиб вә "АХҸП-нин ганунсуз малијјәләшдирилмәси" һаггында сахта иш үзрә 7 ил 3 ај мүддәтинә азадлыгдан мәһрум едилиб.
Һүгуг мүдафиәчиләри ону сијаси мәһбус кими таныјыблар. Нојабрын 6-дан етибарән о, азад едилмәси тәләби илә мүддәтсиз аҹлыға башлајыб.
Декабрын 1-дә Салеһ Рүстәмова азадлыг тәләби илә кечирилән аксија полис репрессијасына мәруз галараг дағыдылды. Һәмин аксијада тутулан мүхалифәтчи Тофиг Јагублуја гаршы шиддәтли зоракылыг иҹтимаијјәтдә кәскин тәнгидләрә сәбәб олуб.
342/
6 dekabr 2021 - 15:02
Xəbər kodu: 1205891
Азәрбајҹан Һүгуг Мүдафиә Тәшкилатлары Мониторинг Групунун үзвү Сәидә Гоҹаманлы һәмин групун үзвләринин дахили ишләр назири Вилајәт Ејвазовла ҝөрүшүндә Салеһ Рүстәмовун дурумунун мүзакирә едилдијини билдириб.
