Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, "Азәрбајҹан, Түркмәнистан вә Иран арасында газ тәдарүкү үзрә имзаланмыш мүгавилә Ираны реҝионал транзит мәркәзинә чевирә биләр".
Буну Иран Ислам Республикасынын президенти Ајәтуллаһ Доктор Сејјид Ибраһим Рәиси јерли КИВ-ләрә ачыгламасында дејиб.
Доктор Рәисинин сөзләринә ҝөрә, Иран Ислам Республикасы гоншу өлкәләрлә транзит вә диҝәр саһәләр үзрә әмәкдашлыг барәдә бир сыра разылашмалар имзалајыб: “Бу сәнәдләрин чох бөјүк әһәмијјәти вар. Гоншу өлкәләрлә имзаланан мүгавиләләр игтисади инкишафа көмәк едә биләр”.
О әлавә едиб ки, ИИР лиманлары гоншу өлкәләрлә тиҹарәт дөвријјәсиндә әһәмијјәт кәсб едән амилдир.
Гејд едәк ки, нојабрын 28-дә Түркмәнистанын пајтахты Ашгабадда илдә 1,5-2 милјард кубметр Түркмәнистан газынын Иран васитәси илә Азәрбајҹана тәдарүк едилмәси үзрә үчтәрәфли мүгавилә имзаланыб. Мүгавиләнин иҹрасына декабрын 22-дән башланылаҹаг вә ҝүндәлик 5-6 милјон кубметр газ тәдарүк едиләҹәк.
Диггәт: Хәбәрдән Истифадә Етдикдә Мәнбәјә Истинад Лазымдыр!
