Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, “Игтисади Әмәкдашлыг Тәшкилатынын зирвә топлантысы чәрчивәсиндә Ашгабадда Азәрбајҹанын хариҹи ишләр назири илә позитив вә достҹасына ҝөрүшүмүз олду. Сон һәфтәләрдә ики өлкә арасындакы бу хош ҝөрүшә һазырлыг ҝедирди. Әлдә олунан разылашмалар һәр ики өлкәнин халгларынын марагларына ҹаваб верир”.
“Азад Иран” “Телеҝрам” каналынын мәлуматына ҝөрә, бу сөзләри Иранын хариҹи ишләр назири Һүсејн Әмир Абдуллаһиан Ашгабадда азәрбајҹанлы һәмкары Ҹејһун Бајрамовла ҝөрүшү барәдә сосиал шәбәкә һесабында јазыб.
“Ики өлкә президентләринин ирадәси мүнасибәтләрин һәртәрәфли инкишафына әсасланыб. Транзит, енерҝетика, туризм, мәдәнијјәт вә с. саһәсиндә әмәкдашлыг тәрәфләрин вурғуладығы вә разылашдырдығы саһәләр сырасындадыр.
Азәрбајҹан Президенти үмидвериҹи фикирләр сәсләндириб вә нәләрин едиләҹәјини вурғулајыб. Ики президентин ҝөрүшүндән бир ҝүн әввәл сијаси вә дипломатик сәвијјәләрдә, о ҹүмләдән тәһлүкәсизлик сәвијјәсиндә ваҹиб мәсләһәтләшмәләр апарылыб. Гоншуларымызла мүнасибәтләримизи инкишаф етдирмәјә давам едәҹәјик”, - дејә Иран ХИН рәһбәри билдириб.
Диггәт: Хәбәрдән Истифадә Етдикдә Мәнбәјә Истинад Лазымдыр!
