Русија, Азәрбајҹан вә Ермәнистан рәһбәрләри мәтбуата бәјанатла чыхыш едибләр

АБНА24 Хәбәр Верир, Русија президенти Владимир Путинин өз ачыгламасында һәр шејдән өнҹә үчтәрәфли ҝөрүшдә Русија сүлһмәрамлыларынын, сәрһәдчиләрин, әразиләрин миналардан тәмизләнмәси илә мәшғул олан, инсанларын даими јашајыш јерләринә гајытмаларыны тәмин едән мүтәхәссисләрин ишинин јүксәк гијмәтләндирилдијини дејиб.

Путин ҹари милад илинин сонунадәк ики дөвләт арасында сәрһәдин демаркасијасы вә делимитасијасы механизмләринин јарадылмасы барәдә разылыгдан хәбәр вериб.

Русија президенти һуманитар характерли мәсәләләрлә бағлы нәзәрәчарпаҹаг дәрәҹәдә ирәлиләјишин олдуғуну дилә ҝәтириб.

Владимир Путин дәмир јолу вә автомобил јолларындан ибарәт олан нәглијјат дәһлизләринин ачылмасынын да мүзакирә едилдијини диггәтә чәкиб вә баш назирләрин мүавинләринин ҝәлән һәфтә Москвада, разылашдырылмыш гәрарлары елан едәҹәкләрини хатырладыб.

Азәрбајҹан президенти Илһам Әлијев үчтәрәфли бәјанатдан кечән 1 или мүсбәт дәјәрләндирәрәк Гарабағда сүлһмәрамлыларын фәалијјәтинә ҝөрә Русијаја тәшәккүрүнү билдириб.

Илһам Әлијев Сәрһәдләрин делимитасијасы, демаркасијасы, нәглијјат артеријаларынын бәрпасы илә бағлы данышыглары мүсбәт гијмәтләндирәрәк дејиб:

Мүбаһисәләрин, фикир ајрылыгларынын низамланмасы ишиндә гәбул етдијимиз гәрарлар, зәннимҹә, Ҹәнуби Гафгазда вәзијјәтин даһа тәһлүкәсиз вә прогнозлашдырыла билән олмасына шәраит јарадаҹаг.

Азәрбајҹан Республикасы президенти өлкәсинин һуманитар нормалара риајәт едилмәсинә ардыҹыл тәрәфдар олдуғуну хатырладыб вә вә бу истигамәтдә һәрби әмәлијјатлар битәндән сонра сахланылмыш 100 нәфәрдән чох ермәни һәрби гуллугчунун Ермәнистана тәһвил верилдијини билдириб.

Илһам Әлијев Ермәнистаны нормал гаршылыглы фәалијјәтә чағырараг дејиб: Биз Азәрбајҹанда Ермәнистан илә чохиллик гаршыдурма сәһифәсини чевирмәк, нормал гаршылыглы фәалијјәт мәрһәләсинә башламаг әзминдәјик вә дүшүнүрәм ки, мәһз бу форматда өз мәгсәдләримизә чатаҹағыг.

Азәрбајҹан Республикасы президенти Русијаны өлкәси үчүн стратежи тәрәфдашдан даһа артыг һесаб едәрәк бу өлкәнин сәмәрәли васитәчилијинә диггәт чәкиб.

Ермәнистанын баш назири Никол Пашинјан да өз чыхышында ҝөрүшү мүсбәт гијмәтләндирәрәк дејиб: Биз реҝионда бүтүн нәглијјат вә игтисади коммуникасијаларын ачылмасы мәсәләси барәдә һәгигәтән гејд етдик ки, бу коммуникасијаларын неҹә ишләјәҹәји барәдә тәсәввүрүмүз ортагдыр.

Пашинијан Делимитасија вә демаркасија просесинә башламаг мөвзусунун да мүзакирә олундуғуну билдириб. Ермәнистан илә Азәрбајҹан арасында сәрһәддә мүәјјән тәһлүкәсизлик вә сабитлик механизмләринин јарадылмасынын ваҹиблијинә тохунуб.



342/