АБНА24 Хәбәр Верир, Сочидә үчтәрәфли ҝөрүшү тәхминән 3 саат давам едиб. Ардынҹа Русија Президенти Владимир Путин, Азәрбајҹан Президенти Илһам Әлијев вә Ермәнистанын баш назири Никол Пашинјан арасында кечирилән үчтәрәфли ҝөрүшдән сонра Русија Президенти, Азәрбајҹан Президенти вә Ермәнистанын баш назири мәтбуата бәјанатла чыхыш едибләр.
Билдирилиб ки, илин сонуна кими Ермәнистанла Азәрбајҹан арасында сәрһәдин демаркасијасы вә делимитасијасы механизмләри јарадылаҹаг.
Бунунла әлагәдар Азәрбајҹан Презденти Илһам Әлијев дејиб ки, рәсми Бакы Москванын дәстәји илә Азәрбајҹанла Ермәнистан арасында сәрһәд мәсәләләринә даир просеси башламаға һазырдыр:
“Азәрбајҹанла Ермәнистан арасында сәрһәдләр мүәјјәнләшмәјиб делимитасија просесинә башламаға һазырыг. Бундан башга биз ачыг шәкилдә Ермәнистан тәрәфинә гаршыдурмаја сон гојмаг, бир-биринин әрази бүтөвлүјүнү вә суверенлијини танымаг, ҝәләҹәкдә гоншу кими јашамаг үчүн сүлһ мүгавиләси үзәриндә ишә башламағы тәклиф етдик”- дејә И.Әлијев бәјан едиб.
Дөвләт башчысы гејд едиб ки, Сочидә кечирилән үчтәрәфли ҝөрүшдә гәбул едилән гәрарлар Ҹәнуби Гафгазда даһа тәһлүкәсиз вә прогнозлашдырыла билән вәзијјәтә төһфә верәҹәк.
342/
27 noyabr 2021 - 07:59
Xəbər kodu: 1202591
Русијанын Сочи шәһәриндә Азәрбајҹан, Ермәнистан вә Русија дөвләт башчыларынын ҝөрүшү баша чатыб.
