АБНА24 Хәбәр Верир, Сәид Хәтибзадә Твиттер-дә Вјана мүзакирәләри әрәфәсиндә Америка, Авропа үчлүјү вә Иран Ислам Республикасынын мүнасибәт вә һәрәкәтләрини мүгајисә едиб.
Хәтибзадә јазыб ки, Вјана данышыглары әрәфәсиндә Иранын ҹидди вә јүксәк сәвијјәли мүзакирә групу тәшкил етдији, тәҹили вә јахшы бир разылашма, еләҹә дә нүвә анлашмасы илә БМТ Тәһлүкәсизлик Шурасынын 2231 сајлы гәтнамәсинин там шәкилдә иҹрасыны истәдији, һәмчинин реҝионал мәшвәрәтләр апардығы бир һалда, гәрбли тәрәфләр санксијалары артырмаг, сахта бәјанатлар вермәк, тәһриф едилмиш рәвајәтләр тәгдим етмәк, еләҹә дә сионист режимин тәһдидләри гаршысында сусмаг кими һәрәкәтләрә кечирләр.
Вјана мүзакирәләри әрәфәсиндә гәрблиләрин гејри-мүнасиб рәфтарларыны тәнгид едән Хәтибзадә гејд едиб ки, ики тәрәфин приоритетләрини мүгајисә етмәк јетәр.
Алманија, Франса вә Инҝилтәрә ҹүмә ахшамы ҝүнү Атом Енержиси үзрә Бејнәлхалг Аҝентлијин Идарәетмә Шурасынын иҹласында Американын диггәтини ҹәлб етмәк истигамәтиндә бир бәјанат јајыб, аҝентликлә иән јүксәк сәвијјәдә әмәкдашлыға малик олан Иран Ислам Республикасыны МАГАТЕ илә там шәкилдә әмәкдашлыг етмәмәкдә иттиһам едибләр.
Иран Американын 8 мај 2018-ҹи ил тарихиндә нүвә анлашмасындан биртәрәфли вә ганунсуз шәкилдә чыхмасындан сонра анлашманын диҝәр тәрәфләринин өз өһдәликләрини јеринә јетирмәләри шәрти илә нүвә анлашмасыны горујуб сахламаға чалышды, амма авропалылар анлашманын горунуб сахланылмасы үчүн вердикләри вәдә әмәл етмәкдә һеч бир уғур газанмадылар.
Белә бир шәраитдә Иран өз өһдәликләри илә һүгуглары арасында мүвазинәт јаратмаг мәгсәдилә анлашманын 26 вә 36-ҹы маддәләринә ујғун олараг, өз нүвә анлашмасы өһдәликләрини етапларла азалтды.
Америка рәсмиләри вә бу өлкәнин һазыркы президенти Ҹо Бајден индијәдәк анлашмаја гајытмаг үчүн аддымлар атмагдан бојун гачырыблар.
Иран Ислам Республикасы мәсулијјәтли бир өлкә кими дәфәләрлә билдирибдир ки, Американын анлашманы позан тәрәф олдуғуна ҝөрә, санксијалары арадан ҝөтүрмәклә анлашмаја гајытмалы олан тәрәф, мәһз Вашингтондур вә Бирләшмиш Штатларын өһдәликләринин јеринә јетирилмәсинин доғрулуғу јохланылмалыдыр.
342/
27 noyabr 2021 - 07:56
Xəbər kodu: 1202589
Иран Ислам Республикасы Хариҹи Ишләр Назирлијинин мәтбуат катиби ҹүмә ахшамы ҝеҹәси Вјана данышыглары әрәфәсиндә гәрблиләрин гејри-мүнасиб рәфтарларыны кәскин шәкилдә тәнгид едиб.
