АБНА24 Хәбәр Верир, бу барәдә Иранын Систан-Бәлучистан әјаләтинин Полис Идарәсинин сәдри Әһмәд Таһири дејиб.
Билдирилиб ки, әјаләтин Полис Идарәси илә Наркотикләрә гаршы Мүбаризә Идарәсинин әмәкдашлығы нәтиҹәсиндә баш тутан әмәлијјатда өлкәнин ҹәнуб шәргиндә хүсусилә дә Ираншәһр вә Заһидан шәһәрләриндә наркотик маддәләрин дашынмасы вә сатылмасы илә бағлы бир тәшкилатланмыш банда ашкарланараг дағыдылыб. Банданын алты үзвү әлә кечирилиб.
Онларын нәзарәтиндә олан објектләрдән үмумиликдә 2,170 кг мүхтәлиф нөв наркотик маддә ашкарланараг дөвријјәдән чыхарылыб.
Хатырладаг ки, Иран үмумиликдә бу өлкә әразисиндән дашынан наркотик васитәләрин тәхминән 82 фаизини ашкарлајараг, дүнјада наркотикләрин ашкарланмасы үзрә лидердир вә б мүбаризә саһәсиндә 4 миндән чох шәһид вермишдир.
БМТ-нин һесабатына ҝөрә, Иран 2018-ҹи илдә тәхминән 100 тон һәшиш ашкарлајыб. Иранын наркотикләрлә мүбаризә саһәсиндә наилијјәтләри АБШ-ын биртәрәфли вә ганунсуз санксијалары шәраитиндә вә бејнәлхалг иҹтимаијјәтин дәстәји олмадан әлдә едилиб.
342/
21 noyabr 2021 - 04:54
Xəbər kodu: 1200618
Иранын Систан-Бәлучистан әјаләтиндә апарылан бир әмәлијјат чәрчивәсиндә 2,170 кг мүхтәлиф нөв наркотик маддә ашкарланараг дөвријјәдән чыхарылыб.
