Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Иран Ислам Республикасынын хариҹи ишләр назири түркијәли һәмкары илә ИИР вә Түркијә арасында узунмүддәтли әмәкдашлыг хәритәсинин һазырланмасы үчүн разылыға ҝәлдијини ачыглајыб.
Һүсејн Әмир-Абдуллаһјан буну Теһранда Түркијәнин хариҹи ишләр назири Мөвлуд Чавушоғлу илә бирҝә мәтбуат конфрансында дејиб.
О әлавә едиб: “Ҝөрүшүмүздә Әфганыстандакы һадисәләри, Гәрби Асија реҝионунда тиҹарәтин, тәһлүкәсизлијин вә сүлһүн ҝүҹләндирилмәси, хошмәрамлылыг тәлими вә мүнасибәтләрә потенсиал манеәләрин арадан галдырылмасыны мүзакирә етдик. "
Түркијәнин хариҹи ишләр назири Мөвлуд Чавушоғлу дүнән сәһәр саатларында Теһрана ҝәлиб вә Иранын хариҹи ишләр назири илә рәсми шәкилдә ҝөрүшүб.
Диггәт: Хәбәрдән Истифадә Етдикдә Мәнбәјә Истинад Лазымдыр!
