АБНА24 Хәбәр Верир, Сәид Хәтибзадә билдириб: "Иранын мүһарибәдән сонракы разылашма илә бағлы мөвгеји олдугҹа ајдындыр. Биз Азәрбајҹан Республикасы халгынын мүгавимәтини тәбрик едир вә ејни заманда бәјан едирик ки, бејнәлхалг сәрһәдләр танынмалы вә Азәрбајҹан Республикасы илә Ермәнистан арасында мүнасибәтләр нормаллашдырылмалыдыр."
Иранын ХИН сөзчүсү сонра Азәрбајҹан Республикасы илә диалогун вә тәмасларын гурулмасы барәдә исә дејиб: “Сон үч онилликдә биз һәмишә Азәрбајҹан Республикасы торпагларынын ишғалына гаршы олмушуг вә бу өлкәнин әрази бүтөвлүјүнүн горунуб сахланылмасыны вурғуламышыг”.
Азәрбајҹаны ишғал олунмуш торпагларын азад едилмәси мүнасибәтилә тәбрик едән Иранын дөвләт рәсмиси сон заманлар ики өлкә арасында јаранмыш анлашылмазлыға да тохунуб. “Бу вәзијјәтдә бәзи анлашылмазлыгларын арадан галдырылмасы ваҹибдир вә ики өлкәнин ирадәси проблемләри һәлл етмәк вә әлагәләри ҝүҹләндирмәкдир вә үмид едирик ки, бу мүнасибәтләр даһа да инкишаф едәҹәк вә медиада јаранмыш анлашылмазлыглар арадан галхаҹаг”- дејә иранлы рәсми вурғулајыб.
342/
9 noyabr 2021 - 17:00
Xəbər kodu: 1197202
Иран Ислам Республикасы Хариҹи Ишләр Назирлијинин сөзчүсү Азәрбајҹан Республикасы халгынын мүгавимәтини тәбрик едиб.
