АБНА24 Хәбәр Верир, Һүсејн Әмир-Абдуллаһијан вә Чин дөвләт шурасынын үзвү вә хариҹи ишләр назири «Ван И» бир телефон сөһбәтиндә реҝионал вә бејнәлхалг һадисәләр, гаршыдакы Вјана мүзакирәләри вә икитәрәфли мүнасибәтләр просеси әтрафында фикир мүбадиләси апарыблар.
Чин һөкумәтинин Ирана 120 милјон доза ваксинин ҝөндәрилмәси үзрә һәмкарлығындан разылыг едән Әмир-Абдуллаһијан ики өлкәнин ҝенишләнмәкдә олан әлагәләриндән мәмнунлуг ифадә вә Иран Ислам Республикасынын Пекинин давамлы инкишаф вә Чинлә бу истигамәтдә јахын әмәкдашлыг саһәсиндәки тәшәббүсүнә олан дәстәјинә тәкид едиб.
Иранын хариҹи ишләр назири гаршыдакы Вјана мүзакирәләри илә бағлы үмидварлыг едибдир ки, анлашманын сүрәтлә әлдә олунмасы үчүн Америка вә авропалы тәрәфләр реал шәкилдә мүзакирәјә дахил олаҹаглар.
О, МАГАТЕ-нин Ирандакы вәзифәләринин јеринә јетирилмәси илә бағлы әмин олдуғуну билдирибдир ки, бу һәмкарлыглар разылашмалар вә гајдалар чәрчивәсиндә јахшы шәкилдә давам едәҹәк.
Әмир-Абдуллаһијан Әфганыстанын вәзијјәтилә бағлы, бу өлкәдә әһатәли һөкумәтин тәшкили зәрурәтинә тәкидлә үмидварлыг едибдир ки, конструктив Теһран конфрансынын давамында Пекиндә кечириләҹәк Әфганыстанын гоншулары јығынҹағы уғурлу олаҹаг.
Нүвә мүзакирәләринин давамыны алгышлајан вә она дәстәк верән Чинин хариҹи ишләр назири «Ван И» дә Американы нүвә анлашмасынын иҹрасы јолунда јаранан проблемләрин әсас амили адландырыб. Үмидварлыг едиб ки, онлар өзләринин бу сәһвини санксијалары һәртәрәфли шәкилдә арадан галдырмагла дүзәлдәҹәкләр вә Иранын позитив мүнасибәт спектриндә гаршыдакы мүзакирәләр јахшы нәтиҹәләрә ҝәтириб чыхараҹаг.
342/
8 noyabr 2021 - 06:27
Xəbər kodu: 1196591
Иранын хариҹи ишләр назири вурғулајыб ки, Америка уғурсуз галмыш максимум тәзјиг сијасәтини вә игтисади терроризми давам етдирмәклә јанашы, мүзакирә вә разылашма иддиасында ола билмәз.
