АБНА24 Хәбәр Верир, Һади Әл-Амиринин рәһбәрлик етдији "Әл-Фәтһ" коалисијасы бир бәјанат јајараг, етиразчылара атәш ачмаг әмри верәнләрин ҹәзаландырылмасыны истәјиб.
Ирагын Һизбуллаһ Баталјонлары да етиразчылара гаршы ҝүҹ тәтбигини писләјиб вә билдирибләр ки, динҹ етиразлар заманы баш верәнләр етиразчыларын сабитлијини артыраҹаг.
Ираг "Әсаиб Әл-Һагг" һәрәкатынын баш катиби Гејс Әл-Хәзәли дә вердији ачыгламада, тәһлүкәсизлик гүввәләринин етиразчылара һүҹумуну писләјәрәк, етиразчылара атәш ачанларын мүһакимә олунмасыны истәјиб.
Ираг Али Ислам Мәҹлисинин сәдри Шејх Һумам Һәмуди, Ираг Милли Һикмәт Һәрәкатынын рәһбәри Әммар Һәким, һәмчинин Ирагын "Ганунун алилији" Коалисијасынын сәдри Нури Әл-Малики дә тәһлүкәсизлик гүввәләринин динҹ нүмајишчиләрә гаршы силаһдан истифадә етмәсини писләјиб вә бүтүн тәрәфләри динҹ етиразлара гаршы истәнилән ҝүҹ тәтбигини дәрһал арашдырмаға чағырыблар.
Ирагын тәһлүкәсизлик гүввәләри ҹүмә ҝүнү Бағдадда октјабрын 10-да кечирилән парламент сечкиләринин нәтиҹәләринә етираз едәнләрә һүҹум едибләр.
Ираг мәнбәләринин билдирдијинә ҝөрә, һүҹум нәтиҹәсиндә азы 3 етиразчы өлүб, 160 нәфәр јараланыб.
Ирагда парламент сечкиләринин нәтиҹәләри ачыгландыгдан сонра бир сыра сијаси партијалар вә коалисијалар сечкинин нәтиҹәләринә етираз едибләр. Етиразчылар өлкәдәки бүтүн сечки мәнтәгәләриндә бүллетенләрин әл илә јенидән сајылмасыны тәләб едирләр, онлар сечкиләрин сахталашдырырлдығыны вә сәсләрин оғурландығыны иддиа едирләр.
342
7 noyabr 2021 - 19:29
Xəbər kodu: 1196480
Ирагын пајтахты Бағдад шәһәриндә сечки нәтиҹәләринә етираз едәнләрлә Ираг тәһлүкәсизлик гүввәләри арасында баш верән тоггушмалар бәзи груплар вә сијаси лидерләрин реаксијасы илә үзләшиб.
