АБНА24 Хәбәр Верир,Губад Ибадоғлу Фаҹебоок үзәриндән јајдығы мәгаләдә јазыб ки, Азәрбајҹан Республикасы Мәркәзи Банкынын сәдри Елман Рүстәмов нөвбәти девалвасија олмајаҹаг дејә биләр, о, 2014-ҹи илин сонуна гәдәр дә исрарла дејирди ки, девалвасија олмајаҹаг. Амма 2015-ҹи илин феврал вә декабр ајларынын 21-дә баш верән девалвасијадан сонра Азәрбајҹан манаты 2 дәфә уҹузлашды. Ҝөрәсән, о заман сосиал мәсулијјәт һисси јох иди?
Гејд едәк ки, Елман Рүстәмов сон ачыгламаснда иддиа ки, девалвасија олмајаҹаг. О, журналистләри вә експертләри сосиал мәсулијјәтә дәвәт едиб.
Губад Ибадоғлу сонра әлавә едиб: “Елман Рүстәмов девалвасија олмајаҹағыны нефтин дүнја базар гијмәтләринин баһалашмасына ҝөрә Азәрбајҹанын валјута ҝәлирләринин артмасы илә әлагәләндирир. Ејни заманда онун әксини дә тәсдиг едир ки, гијмәтләр уҹузлашарса девалвасија да ола биләр. Диҝәр тәрәфдән манатын узун мүддәтли сабит галмасы, әслиндә өлү курсу игтисадијјатда ҹидди проблемләр јардыр, јерли истеһсалы вә гејри-нефт ихраҹат потенсиалыны зәифләдир, идхалы стимуллашдырыр, саһибкарлар вә банклар чох ағыр дурумдадырлар, девалвасија олмаса да банклар бағланыр, индијәдәк бағланан 15 банкдан әһалијә вә бизнесә јүз милјонларла зәрәр дәјиб. Һазырда бәзи банклар јенә дә бағланма риски илә үз-үзәдир. Онун бир сәбәби саһибкарлыг мүһитинин пис, диҝәр сәбәби дә фаиз дәрәҹәләринин јүксәк олмасыдыр. Буна бахмајараг Елман Рүстәмов учот дәрәҹәсини галдырыр. Чүнки, өзү дә јахшы билир ки, өлкәдәки фактики инфлјасија рәсми рәгәмләрдән гат-гат јүкскдир. Елә бу сәбәбдән дә өлү вәзијјәтдә галан һеч бир тәнзимләмә функсијасына малик олан манат ҝүндән-ҝүнә алыҹылыг габлијјәтини итирир.”
342/
1 noyabr 2021 - 05:08
Xəbər kodu: 1194239
Азәрбајҹанлы игтисадчы експерт баш банкер тәрәфиндән өлкәдә девалвасијанын олмајаҹағына даир сөјләнән фикирләрә ирадыны билдириб.
