Азәрбајҹанда Әрдоғанын игтисади модели сырадан чыхмагдадыр

АБНА24 Хәбәр Верир, Гашгај Исмајыл Фаҹебоок үзәриндән јајдығы мәгаләсиндә јазыб: Артыг әминликлә демәк олар ки, Азәрбајҹанда Әрдоғанын хүсусилә севилән игтисади модели сырадан чыхмагдадыр. Түркијәнин сүрәтли инкишафы хариҹи капиталын ахыны илә бирбаша әлагәлијди. Бу пуллар һесабына әһалинин рифаһы јахшылашыр, игтисади артым баш верир, јоллар, көрпүләр, аеропортлар тикилирди. Лакин хариҹи мәнбәләрдән ахан пуллар артыг дајанмагдадыр вә инвестисијларын һәҹми азалыр. Һазырда Түркијәнин номинал Үмуми Дахили Мәһсулунун һәҹми 720 милјард доллар тәшкил едир, валјута еһтијатлары 63 милјард доллар, дөвләт борҹу 230 милјард доллар, тәмиз хариҹи борҹу исә 165 милјард доллардыр. Бөјүк сијаси амбисијалары олан бир өлкә үчүн тәмиз хариҹи борҹун 165 милјард доллар тәшкил етмәси, ағыр јүкдүр. Һәмчинин тиҹарәт балансы мүтәмади олараг мәнфидир вә бу ил тиҹарәт балансы мәнфи 4.3 милјард доллар тәшкил едиб, Ышсизлик исә 13 фаизә чатыр

Бу рәгәмләр ҝөстәрир ки, вахтилә ҹидди игтисади уғурлар әлдә етмиш Әрдоған Түркијәси артыг өз имканларынын сон һәддинә чатыб. Белә олдугда, һаким режим үчүн хариҹи гәләбәләр вә диҝәр өлкәләрә игтисади експансија һава-су кими ваҹибдир, чүнки һадисәләрин бу мәҹрада давам етмәси һаким режимин дәјишмәсини лабүд едир. Түркијәдә сүрәтлә дәринләшән бөһранын нәтиҹәләри Азәрбајҹан үчүн ағыр нәтиҹәләрә ҝәтириб чыхара биләр.

342/