АБНА24 Хәбәр Верир, журналист Һәсән Меһрәҹ-ин Рәј әл-Јоум гәзети үчүн јаздығы мәгаләдә дејилир: Иранын бүтүн саһәләрдә һәрәкәтләри вә сијасәти Исраил тәрәфиндән изләнилир. Бундан әлавә, Исраилин хүсуси өнәм вердији Иран-Азәрбајҹан сәрһәди јахынлығында мүәјјән ишләр ҝөрүлүр. Бу бахымдан, Исраилдәки тәһлүкәсизлик вә һәрби даирәләр, хүсусән бу ишләрин Исраилә бирбаша тәсири олдуғу үчүн ики гоншу өлкә арасында артан мүбаһисәләри диггәтлә изләјирләр.
Иранын хариҹи ишләр назири бу јахынларда Исраилин бөлҝәдәки варлығы илә бағлы хәбәрдарлыг едәрәк, Москваја сәфәри заманы билдирди ки, Теһран Гафгаз хәритәсиндәки һеч бир ҝеосијаси дәјишиклијә дөзмәјәҹәк. О һәмчинин сионистләрин бөлҝәдәки варлығыны кәскин тәнгид етди.
Рәј әл-Јоун гејд едир ки, исраиллиләрин диггәтини чәкән бәлкә дә Теһранын Азәрбајҹанла сәрһәддә кечирдији һәрби тәлимләр үчүн сечдији ад иди; Јәни, Исраилин сәрһәдләринә јахынлашмасына иҹазә вермәјәҹәјинә ејһам вуран "Хејбәрин фатеһләри" тамамилә Исраили һәдәфә алмышды. Бу исә о демәкдир ки, Иранын кәшфијјат хидмәти, хүсусән дә иранлы нүвә мүтәхәссиси Мөһсүн Фәхризадәнин өлдүрүлмәсиндән сонра Исраилин бу өлкә сәрһәдләринә јахынлашмасына бөјүк һәссаслыгла јанашыр.
Мүәллиф гејд едир ки, рәсми Теһранын шүбһәләри үчүн ҹидди әсаслары вар. Зира Бакы Исраилин Иран-Азәрбајҹан сәрһәдләринә јахын јердә ҝениш фәалијјәт ҝөстәрмәсинә иҹазә вермиш кими ҝөрүнүр. Иранын шүбһәләрини артыран, һәм дә ПУА истеһсалында ихтисаслашан Исраилин Елбит ширкәтинин Азәрбајҹанда фабрик ачмасы олуб.
Мәгаләнин давамында дејилир: Реаллыг будур ки, Иран мәсәләсиндә Исраил, Азәрбајҹан вә Америка Бирләшмиш Штатлары арасында әмәкдашлыг мөвҹуддур. Вә Исраилин Бакыдакы сәфирлији олајлары нәзарәтдә сахлајыр. Мүшаһидәчиләр буну Иран-Исраил мүнагишәсинин ҹоғрафи әһатәсинин ҝенишләнмәси чәрчивәсиндә ҝөрүрләр. Әслиндә Исраил рәсмиләри сијаси мәгсәдләрә чатмаг үчүн ҝәрҝинлији артырмагда мараглыдырлар.
Мүәллиф сонда билдирир ки, Ирана гаршы мәхфи планлар ишә дүшсә дә, бу дөвләт өзүнә гаршы ҝәрҝинликләр вә тәхрибатчы һәрәкәтләрдән мәһарәтлә истифадә етмәји вә рәгибләрини диз чөкдүрмәји јахшы баҹарыр.
342/
26 oktyabr 2021 - 03:58
Xəbər kodu: 1192291
Лондонда чыхан әрәб дилли гәзет АБШ, Исраил вә Азәрбајҹаны Ирана гаршы јени ҝәрҝинликләр јаратмаг үчүн әмәкдашлыгда иттиһам едиб.
