АБНА24 Хәбәр Верир, Иран Ислам Республикасы Ордусунун һава гошунларынын Вилајәт фәдакарларынын онунҹу һава гүдрәти тәлимләринин әсас етапы вә әмәлијјат мәрһәләси ордунун баш команданы ҝенерал-мајор Сејид Әбдүррәһим Мусәви, Силаһлы Гүввәләрин Али Баш Команданлығы офисинин рәиси вә силаһлы гүввәләрин баш гәрарҝаһ рәиси әвәзедиҹисинин, һәмчинин бу гәрарҝаһын вә Хатәмүләнбија(с.ә.с.) адына мәркәзи гәрарҝаһын командирләри вә мәсул шәхсләриндән бир групунун, еләҹә дә ордунун һава гошунларынын пилотлу вә пилотсуз тәјјарәләринин ҝениш иштиракы илә старт ҝөтүрүб.
Ордунун һава гошунларынын рәис әвәзи авиасија бригада ҝенералы Меһди Һадијан билдириб ки, тәлимләр өлкә ҝенишлијиндә олан бир мигјасда кечириләҹәк.
О, сонра белә дејиб: Вилајәт фәдакарларынын онунҹу һава гүдрәти тәлимләри реал шәраитдә дөјүш үчүн мүнасиб мејар вә лазыми һазырлыглар әлдә етмәклә јанашы, ордунун һава гошунларынын дөјүш баҹарыг вә габилијјәтләринин бир һиссәсини әкс етдирмәк мәгсәдилә һәјата кечириләҹәк.
Бригада ҝенералы Меһди Һадијанын сөзләринә ҝөрә, тәлимләрдә ордунун һава гошунларынын игтисади мүстәгиллик ҹиһады вә мүдафиә назирлијинин мүтәхәссисләри тәрәфиндән јахшылашдырылмыш мүхтәлиф типли јерли силаһ вә системләрдән истифадә олунаҹаг.
342/
22 oktyabr 2021 - 18:37
Xəbər kodu: 1191145
Вилајәт фәдакарларынын онунҹу һава гүдрәти тәлимләринин әсас етапы вә әмәлијјат мәрһәләси мүгәддәс «Ја, Мәһәммәд Рәсулаллаһ(с.ә.с.) рәмзи вә ордунун һава гүввәләри базаларынын ҝениш иштиракы илә башланыб.
