Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, АБШ, сионист режим, Гәрб Иттифагы, Түркијә вә Сәудијјә режимләри тәрәфиндән јарадылараг, дәстәкләнән гондарма “ИШИД” адлы террор груплашмасынын дөјүшчүләри, групун Телеҝрам каналында нәшр олунан һәфтәлик "Әл-Нәба" нәшриндә Шиәләрин ибадәт јерләринә вә мәркәзләринә һүҹум едәҹәкләрини вә бу һүҹумлары давам етдирәҹәкләрини билдирдиләр.
Террорчуларын ачыгламасында Әфганыстанлы Һазара Шиәләр хүсуси олараг гејд вурулараг билдирилиб: “Әфган Һазара Шиәләри Иранын мүттәфигләридир вә АБШ-ын рәһбәрлик етдији коалисија гүввәләри илә бирликдә ИШИД-ә гаршы мүбаризә апарыблар.”
Гондарма “ИШИД” адлы терорчу груплашма үзвләринә ҝөрә, онлар тәкҹә шиәләрә гаршы дејил, һәм дә сүнниләрә гаршыдырлар. Белә ки, “ИШИД” тәкфирчиләри сүнни груплар арасында Исламын әсл версијасына инанан вә мүртәд оламајан јеҝанә груплашма олдугларыны иддиа едибләр. Вәһһаби тәкфиирчиләр һәмчинин Талибан-ы да АБШ-дан һәрби сүрсатлар вә малијјә көмәклији алмагда ҝүнаһландырыблар.
Групун нәшри шиәләри тәһлүкәли адландырыб вә онлары Бағдаддан Әфганыстана гәдәр һәдәф алаҹаглары барәдә хәбәрдарлыг едиб.
Диггәт: Хәбәрдән Истифадә Етдикдә Мәнбәјә Истинад Лазымдыр!
