Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Азәрбајҹан Республикасынын президенти һеч бир сәнәд тәгдим етмәдән Ермәнистанын 30 илә јахын мүддәт әрзиндә ҝуја Иранла әлбир олараг Азәрбајҹанын ишғал олунмуш әразиләрини Авропаја наркотик гачагмалчылығы үчүн истифадә етдијини иддиа едиб.
Гәбилә башчысы Илһам Әлијев бу ҝүн Мүстәгил Дөвләтләр Бирлијинин Дөвләт Башчылары Шурасынын видеоконфранс форматында кечирилән иҹласындакы чыхышында бу әсассыз иддианы ирәли сүрүб.
Азәрбајҹан Халгындан оғурладығы милјардлар долларлыг пулларын кичик бир гисми олан, Инҝилтәрәдә 800 милјонлуг дәјәриндә әмлак алдығы Пандора мәсәләси үзә чыхмасын дејә бир даһа Азәрбајҹан Халгынын вә дүнја иҹтимаијјәтинин диггәтини јалан иддиаларла Иран Ислам Республикасына јөнәлдән Илһам ҹәфәнҝијатларынын давамында дејиб: “Азәрбајҹан Ҹәбрајыл рајонундан кечмәклә Ирандан Ермәнистана вә даһа сонра Авропаја наркотрафик маршрутуну бағлајыб. Азәрбајҹан-Иран сәрһәдинин диҝәр саһәләриндә бизим тутуб сахладығымыз һероинин һәҹми әввәлки илләрин мүвафиг дөврү илә мүгајисәдә ики дәфә артыб”.
Гејд едәк ки, сон ҝүнләр әлијевләр гәбиләси Пандора сәнәдләри илә бағлы иҹтимаи тәзјигдән хилас олмағын јолуну Ираны һәдәф сечмәкдә ҝөрүр вә бу үсулла диггәтләри коррупсија фактындан јајындымаг истәјир. О, ејни заманда Гәрб дөвләтләринин дә Рәғбәтини газанмаг нијјәтиндәдир. Белә ки, наркотикләрә гаршы мүбаризәдә өзүнү Авропанын хиласкары кими гәләмә вермәјә, Иран Ислам Республикасыны исә ҝөздән салмаға ҹәһд едир.
Диггәт: Хәбәрдән Истифадә Етдикдә Мәнбәјә Истинад Лазымдыр!
