Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Азәрбајҹан Республикасына ганунсуз олараг һаким кәсилмиш әлијевләр гәбиләси бу өлкәнин милли, мадди вә мәнәви сәрвәтләрини таламагла мәшғулдур. Нефт, Газ, Гызыл вә диҝәр гијмәтли филиз вә гаш-дашлар јатагларыны, Ағ Балыг вә Гара Күрү башда олмагла бүтүн дәниз сәрвәтләрини мәһз бу ҹинајәткар “гәбилә” сүмүрүр... Бәс бу гәдәр Азәрбајҹан халгындан оғурладыглары сәрвәтләри неҹә гануниләшдирир вә чиркли пуллары неҹә јујурлар?!
Тәбии ки, јоллар мүхтәлифдир. Әлијевләр гәбиләсинин Азәрбајҹан халгындан таладыглары сәрвәтләри легаллашдырмагдан өтрү истифадә етдији чиркин јоллардан бири дә, пајтахт Бакы Мерлији вә Бакынын канализасијасыдыр. Бәли, тәәҹҹүбләнмәјин мәһз канализасија вә “Азәрсу” Ачыг Сәһмдар Ҹәмијјәти (АСҸ)-дир.
Пајыз вә гыш мөвсүмләриндә Азәрбајҹанда јағынтылар кифајәт гәдәр олур. Бу сәбәбдән дә һәр ил пајыз вә гыш мөвсүмләриндә бүтүн дүнја Азәрбајҹанда, хүсуси илә дә Бакынын хијабан вә проспектләриндә, јералты кечидләрдә дашгынларын вә шәлаләләрин јаранмасына шаһид олуруг.
Буна мисал олараг ҹари вә һабелә өтән илләрдәки Сентјабр ајында баш верән гыса мүддәтли јағышдан сонра јолларын дағылмасыны, һасарлар машынларын үстүнә учмасыны, көһнә евләрин диварларынын дағылмасыны, јолларын су басмасыны, пијадалар вә сүрүҹүләрин аз гала шәһәрин мәркәзи күчәләриндә боғулмаларыны, електрик верилишиндә проблемләрин јаранмасыны, КАНАЛИЗАСИЈАЛАЛАРЫН тутулмасыны, евләрин су басмасыны, шәһәрин мәркәзи күчәләринин бағланмасыны, пијада кечидләриндәки ескалаторларын сырадан чыхмасыны, машынларын сулара гәрг олмасыны вә с... чәкә биләрик.
Демәли, бираз исти олан кими ишыг стансијалары партлајыр, сојуг олан кими газ тәҹһизатында проблемләр јараныр, 1 саат јағыш јаған кими сакинләр шәһәрдә һәрәкәт етмәк үчүн гајыг ахтарыр, јағыш јағыр јоллар тыхаҹ олур, ишыг сөндү сәрнишинләр метронун тунелләриндә галыр...
Бәли абадлашдырылмасына милјонлар хәрҹләнмиш пајтахт Бакы ҹәми бир нечә дәгигәлик јағышдан сонра тамамилә ифлиҹ вәзијјәтинә дүшүр. Јағыш бир нечә дәгигәлик јағса да суткаларла, јағышын јаратдығы фәсадләр исә галмагдадыр...
Гәбилә башчысы Илһам Әлијев чиркли пуллары јумаг мәгсәди илә һәр ил “дөвләт бүдҹәсиндән” Бакынын канализасија системинин, ичмәли су шәбәкәсинин, јағыш суларынын ахыдылмасы үчүн боруларын чәкилмәсинә вә диҝәр инфраструктур лајиһәләринин һәјата кечирилмәси үчүн милјонларла манат вәсаит ајырыр. Тәкҹә 2017-ҹи илин мај ајында, баш назирин мүавини Абид Шәрифовун дедијинә әсасән гәбилә башчысы Илһам Әлијевин сәрәнҹамы илә Бакы шәһәриндә јағыш канализасија системинин тәкмилләшдирилмәси илә әлагәдар ишчи групу јарадылыб, индијәдәк 12 лајиһә разылашдырылыб вә онларын иҹрасына башланылыб: “Буна да 14 милјон 2 јүз мин әтрафында вәсаит ајрылыб. Ишләр бүтүн Бакы әразисиндә апарылыр”...
Бәли һәр ил милјонларла пуллар ајрылыр. Амма кағыз үзәриндә. Шүурлу сүрәтдә көклү ислаһатлар апарылмыр...
Бәс бу вахт гәдәр сөзүҝедән саһәјә ајрылмыш милјонлары неҹә олду? Буна ҝөрә ким ҹаваб верәҹәк? Дөвләтин вәсаитләрини суда ахыданлардан кимсә әмәлинә ҝөрә мәсулијјәтә ҹәлб олунаҹагмы? Јујулан чиркли пуллар дөвләт бүдҹәсинә гајтарылаҹагмы? Вә бунун кими бир чох суаллар өз һәллини һәлә ки, тапмајыб...
Аналтик Дарјуш Әфшари
Диггәт: Хәбәрдән Истифадә Етдикдә Мәнбәјә Истинад Лазымдыр!
