АБНА24 Хәбәр Верир, Һулуси Акар вурғулајыб ки, бу өлкә јахшы гоншулуг әлагәләри вә бејнәлхалг ганунлара риајәтлә даима динҹ һәлл јолуна инаныб. О, иддиа едиб ки, Анкара Афина илә диалогун тәрәфдарыдыр.
Јунаныстанын тәдгигат ҝәмисинин Түркијәнин гитә шелфини позмаг истәјәркән әлә кечирилдији сон һадисәјә тохунан Акар Түркијәнин хәбәрдарлыгларына рәғмән, Јунаныстанын өз һәрәкәтләри вә ганун позунтуларыны давам етдирдијини вурғулајыб. Билдириб ки, Түркијә диалогун вә динҹ һәлл јолунун тәрәфдары олса да, бу өлкәнин вә Киприн түркисакинли һиссәсинин һүгугларынын позулмасына иҹазә вермәјәҹәк.
Акар һәмчинин Јунаныстанын бөјүк силаһ алгылары илә бағлы вурғулајыб ки, Афина бәзи өлкәләр тәрәфиндән тәһрик олмагла Анкараја гаршы мөвге тутмамалыдыр, зира бу кими аддымлар Јунаныстанын хејринә олмајаҹаг.
Түркијәнин мүдафиә назири бу өлкәнин һеч вахт һеч бир тәрәф үчүн тәһдид олмадығыны, әксинә һәмишә мөтәбәр, ҝүҹлү вә фајдалы мүттәфиг олдуғуну иддиа едиб.
Шәрги Аралыг дәнизиндә ән узун континентал саһил хәттинә малик олан Түркијә, Јунаныстанын дәниз сәрһәди иддиаларыны рәдд едиб. Вурғулајыбдыр ки, һәддиндән артыг иддиалар Түркијәнин вә Киприн түркисакинли һиссәсинин суверенлијини позур.
Түркијә башчылары дәфәләрлә иддиа едибләр ки, Анкара дәниз ихтилафлары дахил олмагла бүтүн мүһүм реҝионал проблемләрин бејнәлхалг һүгуг, сәмими гоншулуг мүнасибәтләри вә данышыглар јолу илә һәллинин тәрәфдарыдыр.
Түркијәнин мүдафиә назирлији базар ертәси ҝүнү билдирди ки, бу өлкәнин дәниз гүввәләри Аралыг дәнизиндә Түркијәнин дәниз зонасыны поздуғуна ҝөрә, бир Јунаныстан-Кипр тәдгигат ҝәмиси илә ҹидди рәфтар вә ону бу бөлҝәни тәрк етмәјә мәҹбур едиб.
Түркијә мүдафиә назирлији һәмчинин билдириб ки, сентјабрын 29-да Јунаныстан вә Кипр һөкумәтләри Малта бајрағы алтында олан бир ҝәминин Түркијәнин гитә шелфиндә тәдгигат фәалијјәти үчүн НАВТЕКС(НАВТЕХ) адлы навигасија сигналы верибләр.
Бунунла белә, Анкара өнҹәдән Түркијә илә координасијанын јарадылмадығы үчүн ҝәми саһиби олан ширкәтин јерләшдији өлкәләр олан Малта вә Италија илә дипломатик каналлар васитәси илә әлагә сахлајыб.
Түркијә һабелә фәалијјәтләрин әлагәләндирилмәсинин лазым олдуғуну дәнизчиләрә билдирмәк үчүн октјабрын бириндә НАВТЕКС хәбәрдарлыглары да верибдир.
Түркијәнин сон сәјләринә рәғмән, Јунаныстан-Кипр тәдгигат ҝәмиси базар ҝүнү сәһәр саатларында Түркијәнин гитә шелфини позмаға чалышыб.
Амма “Аралыг Дәнизи Галханы” әмәлијјаты чәрчивәсиндә бөлҝәдә кәшфијјат вә нәзарәт фәалијјәтләри апаран Түркијәнин дәниз гүввәләринин ҝәмиси бу ҝәмијә хәбәрдарлыг едиб. Онун ардынҹа бу Јунаныстан-Кипр ҝәмиси Түркијәнин гитә шелфини тәрк едибдир.
342/
8 oktyabr 2021 - 09:36
Xəbər kodu: 1186788
Түркијәнин мүдафиә назири Јунаныстанла данышыглара һазырлыг иддиасы илә дејиб ки, Афина бәзи өлкәләр тәрәфиндән тәһрик олмагла Анкараја гаршы мөвге тутмамалыдыр.
