АБНА24 Хәбәр Верир, Илһам Әлијев октјабрын 4-дә Ҹәбрајылда рајон иҹтимаијјәтинин нүмајәндәләри илә ҝөрүшүндә дејиб: “Биз хош нијјәт ҝөстәририк. Амма өзүмүзә гаршы әсассыз иттиһамлары гәбул етмәјәҹәјик вә бу әсассыз иттиһамлар ҹавабсыз галмајаҹаг.”
Дөвләт башчысы гејд дејиб ки, Иранын рәсми шәхсләри Азәрбајҹана гаршы әсассыз иттиһамлар ирәли сүрмәјә башламышлар. Ҝуја ки, Азәрбајҹан бу бөлҝәләрә Исраили ҝәтириб. Бунлар Исраили бурада һарада ҝөрүбләр?! Сүбутлар јохдур. Сүбутлар јохдурса, һәр кәс ҝәрәк дедији сөзләрә ҝөрә ҹавабдеһлик дашысын”.
Әлијев сөһбәтинин давамында Исраил режими илә әлагә гурмасынын өлкәсинин суверен һүгугу адландырыб. “Биз һансы өлкә илә һансы сәвијјәдә мүнасибәтләр гуруруг, бизим өз ишимиздир. Тәләб едирик ки, бизим суверен һүгугларымыза һәр кәс һөрмәтлә јанашсын, бизим дахили ишләримизә мүдахилә етмәсин!”, - дејә Азәрбајҹанын дөвләт башчысы бәјан едиб.
Хатырладаг ки, Иран Ислам Ингилабынын Алимәгамлы Рәһбәри Һәзрәт Ајәтуллаһүл-узма Хаменеи октјабрын 3-дә Имам Һүсејн Һәрби Университетиндә кечирилән мәзунлуг мәрасиминә видеоконфранс васитәсилә гатылараг гоншу өлкәләри әҹнәбиләрин фитнәләри гаршысында ајыг-сајыг олмаға, ишғалчы Исраил режими илә мәсафә сахламаға чағырдылар.
Ислам Ингилабынын Рәһбәри тәһлүкәсизлијин әһәмијјәтинә тохунараг, "О кәсләр ки, ҝүман едирләр ки башгаларына ҝүвәнмәк хәјалы илә өз тәһлүкәсизликләрини тәмин едә биләрләр, билсинләр ки, бунун шилләсини тезликлә дадаҹаглар", - ифадәсини ишләдибләр.
Мәлум мәсәләдир ки, рәсми Теһран сионист Исраил режиминин реҝион үчүн јарада биләҹәји тәһлүкәләр вә фитнәләрә ҝөз јуммајаҹаг, вә лазым ҝәләрсә, адекват тәдбирләр белә ҝөрмәјә һазыр олдуғуну билдириб. Сон ҝүнләр Исраил тәһлүкәсини өнләмәк үчүн рәмзи характер дашыјан Хејбәр Фатеһләри адлы һәрби тәлимләр дә әслиндә бу мәгсәдлә кечирилди.
Ислам Ингилабынын Алимәгамлы Рәһбәри Һәзрәт Ајәтуллаһүл-узма Хаменеи һәлә 2017-ҹи ил мартын 5-дә Теһранда Азәрбајҹан Республикасынын президенти Илһам Әлијеви гәбулу заманы да сионистләрин тәфригәчи вә тәхрибатчы сијасәтләри барәдә ону хәбәрдар етмиш вә Исраил режиминин Иран-Азәрбајҹан арасындакы мүнасибәтләри зәдәләмәјә чалышдығыны билдирмишди. "Бүтүн дүшмәнләрдән даһа чох хәбис сионист режим Иран-Азәрбајҹан мүнасибәтләрини зәдәләмәјә чалышыр. Она ҝөрә дә буна гаршы чыхмаг үчүн Иран вә Азәрбајҹанын сәмими мүнасибәтләри горунмалыдыр", - дејә Һәзрәт Ајәтуллаһүл-узма Хаменеи вурғуламышды.
Бүтүн бу хејирхаһ чағырышлара рәғмән Азәрбајҹан президентинин Иран сәрһәдинә јахын Ҹәбрајылда ачылмыш һәрби һиссәнин өнүндә Исраил режиминдән алынмыш Һароп пилотсуз учуш апаратынын јанында шәкил чәкдирмәси Теһранда әсла хош гаршыланмыр вә әлагәләри тәһлүкә алтында гојур. Ислам өлкәләри арасында тәфригә салмаға ҹан атан Исраил режиминә дә әслиндә елә бу лазымдыр.
342/
6 oktyabr 2021 - 07:34
Xəbər kodu: 1186175
Азәрбајҹан Республикасынын президенти Иран сәрһәдләри јахынлығында Исраилдән әсәр-әламәт олмадығыны иддиа етсә дә, Ҹәбрајылда Һароп ПУА-сынын јанында шәкил чәкдириб.
