АБНА24 Хәбәр Верир, ермәни рәсми дејиб: "бәлкә дә Ермәнистанда азәрбајҹанлыларын вә ја түркләрин Азәрбајҹанла әлагә сахламаг үчүн истифадә едә биләҹәји дәһлизләр вә ја јоллар ачылаҹаг. Анҹаг дәһлизин мәнтигини анламаг лазымдыр. Биз артыг бәјан етмишик ки, Ермәнистан әразисиндә суверен дәһлиз ола билмәз."
Григорјанын сөзләринә ҝөрә, јоллар ачылса белә, онлар Ермәнистанын "суверен нәзарәтиндә" олаҹаг.
О гејд едиб ки, Русија, Азәрбајҹан вә Ермәнистаны тәмсил едән Баш назир мүавинләри сәвијјәсиндә дәһлиз мәсәләси јох, бүтүн јол инфраструктурунун блокдан чыхарылмасы мүзакирә олунур. Бунунла әлагәдар Ермәнистан вә Нахчыван сәрһәдиндә кичик 1 километрлик һиссә чәкилмәлидир вә бу, чох вахт апармаз. Азәрбајҹан да Ермәнистанын јолларындан истифадә едә биләҹәк.
О фикрини белә изаһ едиб ки, Азәрбајҹанын гәрб бөлҝәләри Тавуш вә ја Зәнҝәзурун инфраструктурларындан истифадә етмәклә Нахчыванла әлагә сахлаја биләҹәкләр.
Армен Григорјан сонунҹу варианта мејлли олдуғуну вә ирәлиләјишә наил олмаг үчүн онун мүзакирә едилдијини дејиб.
Хатырладаг ки, бу һәфтә Сочидә Президент Путинлә ҝөрүшдән сонра Түркијә Президенти "Зәнҝәзур дәһлизинин" бүтүн бөлҝә үчүн әһәмијјәтли фүрсәт олаҹағыны вурғулајыб. Рәҹәб Тәјјиб Әрдоғанын фикринҹә, Азәрбајҹан бу дәһлизин реаллашмасы үчүн мигјаслы ишләр ҝөрүр вә Ермәнистан тәрәфи дә өз өһдәликләрини јеринә јетирмәлидир.
Азәрбајҹанла Ермәнистан "Зәнҝәзур дәһлизи" илә бағлы фәргли мөвгеләрдә дурурлар.Илһам Әлијев 10 нојабр разылашмасында "Зәнҝәзур дәһлизи"ндән бәһс олундуғуну гејд едиб. Ермәнистанын Баш назири исә иддиа едир ки, сөзүҝедән разылашмада һәр һансы "Зәнҝәзур дәһлизи" нәзәрдә тутулмур, јалныз бөлҝәнин блокададан чыхарылмасындан сөһбәт ҝедир.
342/
4 oktyabr 2021 - 15:04
Xəbər kodu: 1185844
Ермәнистан Тәһлүкәсизлик Шурасынын катиби Армен Григорјан Иҹтимаи телевизијаја мүсаһибәсиндә билдириб ки, Ермәнистан әразисиндә суверен дәһлиз ола билмәз.
