Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Ајәтуллаһ "Сејјид Казим Һаири" нин Кәрбәла офисинин мүдири, Һөҹҹәтүл-Ислам вә Мүслимин "Ҹассим Әл-Халиси" АБНА сајтынын мүхбиринә вердији ексклүзив мүсаһибәсиндә белә дејиб: “Пејғәмбәр (с) бујурду: "Һүсејнин (ә) шәһадәти үчүн мөминләрин гәлбиндә һеч вахт сојумајаҹаг бир истилик вә һәрарәт вардыр. Вә бу истилик мөминләрин гәлбиндә даим тәзәләнир.
Һәр ил Әрбәин ҝүн дүнјанын һәр јериндән ҝәлән зәвварлар Имам Һүсејнин (ә) зијарәтинә пијада ҝәлирләр. Әба Абдулланын (ә) зијарәти, тарихдә, хүсусән Әмәвиләр вә Аббасиләр һөкмдарлары тәрәфиндән сон онилликләрә гәдәр бир чох чәтинликләрлә үзләшмишдир. Зәвварлара зијарәт етмәјә иҹазә верилмирди; Чүнки зүлм вә ингилаба гаршы чыхан илк шәхс Һүсејн ибн Әли (ә) иди вә дүнјанын бүтүн залымлары билир ки, Имам Һүсејн (ә) јениләндириҹи вә зүлмә, батилә гаршы үсјан етмәји башлајандыр.
Дүнјанын ингилабчылары вә азадлыг ахтаранлар фәдакарлыг вә һәр һансы бир диктатурадан наразылыгла Ашура гијамындан нүмунә ҝөтүрүрләр; Буна ҝөрә дә, һәртәрәфли бир тәһлил етдикдә, диктаторларла үз -үзә ҝәлмәк үчүн Әба Абдуллаһын үсјанында глобал бир ҝөрүнүшүн олдуғуну ҝөрүрүк.
Бу ҝүн Имам Һүсејнин (ә) гијамы тағут әлејһинә олан јени ингилаблара илһам верир вә тәшәббүс ҝөстәрир; Бөлҝәдә баш верән үсјан үмумиликдә вә хүсусән дә Ирагда ИШИД әлејһинә әл-Һәшд әш-Шаби гүввәләринин ортаја чыхмасы Имам Һүсејнин Гијамы илә әлагәдар иди. Имам Һүсејнин (ә) хејир -дуасы олмадан ИШИД -лә үз -үзә ҝәлмәк мүмкүн дејилди. ИШИД террорчулары илә үз -үзә ҝәлмәк, Ираг торпағыны, мүгәддәсләри вә мәзлумлары мүдафиә етмәк үчүн Имам Һүсејнин (ә) ганы Ираг ҝәнҹләринин дамарларында гајнајыр вә әҝәр Ираглы ҝәнҹләрин вә Сәрдар Сүлејмани вә Әбу Меһди Әл-Мүһәндис кими галиб командирләрин фәдакарлығы олмасајды Әрбәин јүрүшү давам етмәзди.
Нәҹәфдән Кәрбәлаја ҝәлән зәвварлары өз ҝөзләримлә ҝөрдүм ки, шәһид Сәрдар Сүлејмани вә Әбу Меһди әл-Мүһәндисә вә дөјүшчүләрә салам верир, онлара тәшәккүрләрини билдирирдиләр. Командирләрин фәдакарлыглары вә ширин ҹанларындан кечмәләри бөлҝәдә сүлһ јаратды. Онларын ганы сајәсиндә бу тәһлүкәсизлик давам едәҹәк вә ҝенишләнәҹәкдир. Гадынлар, кишиләр, гоҹалар вә ушаглар шәһидләрин ишләринин әзәмәтини дәрк едир вә онлара һөрмәт наминә ајаға галхырлар.
Әрбәин зијарәти дүнјаја, шиәләрин ваһид мөвгејинин "мүгавимәт" олдуғу бир месаждыр. Әрбәин јүрүшүндә бүтүн дүнјада Һиндистан, Пакистан, Әфганыстан, Иран, АБШ, Инҝилтәрә, Әрәб өлкәләри вә с. өлкәләрдә олан Шиәләр тағута гаршы мүгавимәт ҝөстәрмәјдә ваһид мөвгејдәдирләр. Бу ҝүн Шиәләрин мөвгеји ваһиддир. Вә дүнја бу ваһид сыралар вә ингилабын давамы үчүн һесаб ачыр.”
Диггәт: Хәбәрдән Истифадә Етдикдә Мәнбәјә Истинад Лазымдыр!
