Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән Иран Абан ајынын 1-дән (октјабрын 23-дән) туристләр үчүн сәрһәдәрини ачыр.
19 ајлыг фасиләдән сонра Иран президенти Сејид Ибраһим Рәиси Назирләр Кабинетинин иҹласында Ирана сәфәр етмәк үчүн визаларын верилмәси вә гуру сәрһәдләрдән туристләрин ҝедиш – ҝәлиши үчүн лазими инфраструктурун һазырланмасына ҝөстәриш вериб.
Буну Иранын мәдәни ирс, әл ишләри вә туризм назири Иззәтуллаһ Зәрғами дејиб.
О билдирб ки, артыг аидијјаты гурумлара о ҹүмләдән сәрһәд бурахылыш мәнтәгәләринә бунуна бағлы ҝөстәриш верилиб.
Мәлуматда гејд олунур ки, сәрһәдләрдән ҝириш-чыхыш үчүн һава нәглијјатында олдуғу кими туристләр пејвәнд паспоту вә ПҸР анализи тәгдим етмәли, еләҹә дә Иранын Сәһијјә Назирлијинин сағламлыг протоколларына әмәл етмәлидиләр.
Мәлумата ҝөрә, октјабр ајынын 23-дән Иранын Хузестан әјаләтиндә Шәләмчә (Ираг), Илам әјаләтиндә Меһран (Ираг), Гәрби Азәрбајҹан әјаләтиндә Полдәшт (Нахчыван МР), Кирманшаһ әјаләтиндә Пәрвизхан (Ираг, Күрдистан), Гәрби Азәрбајҹан әјаләтиндә Тәмирчин (Ираг), Гәрби Азәрбајҹан әјаләтиндә Базәрган вә Сәрв (Түркијә), Шәрги Азәрбајҹан әјаләтиндә Ҹулфа (Нахчыван МР), Әрдәбил әјаләтиндә Биләсувар (Азәрбајҹан Республикасы), Ҝилан әјаләтиндә Астара ( Азәрбајҹан), Хорасан Рәзәви әјаләтиндә Доғарун (Әфганыстан), Шәрги Азәрбајҹанын Нурдуз (Ермәнистан) вә Систан Вә Бәлучистан әјаләтиндә Мирҹавә (Пакистан) сәрһәләриндә фәалијјәт бәрпа олунаҹаг.
Гуру сәрһәдләриндән иҹтимаи вә шәхси автомобилләрлә дә ҝедиш -ҝәлишә иҹазә вериләҹәк.
Гејд едәк ки, бундан өнҹә, Сентјабр ајынын әввәлләриндән Иран вә Түркијә арасындакы әсас сәрһәдләр ачылмышды.
Диггәт: Хәбәрдән Истифадә Етдикдә Мәнбәјә Истинад Лазымдыр!
