Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Ниҝеријалы Шејх "Әнәс Шүејб Адәм", АБНА сајтынынИрагдакы мүхбиринә вердији ексклүзив мүсаһибәсиндә Әрбәин мәрасиминдәки иштиракына тохунараг дејиб: "Әлһәмдулиллаһ, бу ил Әрбәин јүрүшүнүн бөјүк вә мәнәви јолунда иштирак етдим, бу јол, Имам Һүсејнин (әлејһи сәлам) ҹәрҝәсиндә галмағымыз үчүн гәлбләри ҹанландырыр. Бу јол, залымлара гаршы гијам етмәји вурғулајан хәттдир. Шејх Ибраһим Зәкзаки бу шәкилдә бир аддым атды. Гәләбә чалмаг мәһз бу јолла мүмкүндүр вә бу јол, Исламы вә Шиә мәзһәбини тәблиғ етмәјин ән сүрәтли јолудур.
Ниҝерија Ислам Һәрәкатынын үзвү даһа сонра дејиб: "Мән Ниҝеријада тиҹарәт едирдим, амма бу иши тәрк едәрәк дини елмләри өјрәнмәк үчүн Кәрбәлаја ҝәлдим, инди 35 јашым вар".
О, әлавә едиб: "Әрбәин пијада јүрүшү, инсанларын Имам Һүсејнлә (ә) бејәтләрини тәзәләмәк үчүн бир фүрсәтдир. Бу јол бизә дүшмәнләримизи вә бу дөврүн Језидиләринин ким олдуғуну билмәли олдуғумузу өјрәдир. Әрбәин зијарәтиндә иштирак етмәк динимиздә сабит галмағымызы зәманәт едир. Биз, Әрбәин јүрүшүндә, Имам Һүсејнин (ә) һәрәминә ҝедән јолда сүлһ вә јәгинлик һисси газанырыг.
Имам Һүсејнин (әлејһи сәлам) гијамынын дәрсләринә тохунан Шејх Әнәс Шүејб Адәм дејиб: "Имам Һүсејнин (ә) гијамындан инсанлар арасында әдаләтин бәргәрар олмасынын зәрурилијини дәрк едирәм, инсанлар өз араларында әдаләти бәргәрар етмәлидирләр. Имам Һүсејн (ә) бизә һеч бир зүлмкар һөкумәти гәбул етмәмәјимизи өјрәтди, белә бир һөкумәт батилдир вә динлә зиддијјәт тәшкил едир. Имам Хомејни, Али Рәһбәр вә Шејх Зәкзаки кими шәхсијјәтләр бу јолу тутублар вә биз дә бу јолу тутуруг...”
Диггәт: Хәбәрдән Истифадә Етдикдә Мәнбәјә Истинад Лазымдыр!
