Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Ајәтуллаһ Сејид Казым Һүсејни Һаиринин Нәҹәф Әшрәфдәки офиси, Ирагла ишғалчы Сионист режими арасындакы мүнасибәтләри нормаллашдырмаг үчүн Әрбил конфрансы илә әлагәдар етираз долу ачыглама вериб.
Рәсми офис, бәјанатда сионистләрлә ҝүзәштә ҝетмәк мәгсәдилә кечирилән Әрбил зирвәсини гынајараг, ҝүнаһкарларын ҹәзаландырылмасыны тәләб едиб.
Әрәб дилиндә нәшр олунан бу бәјанатын азәрбајҹанҹа тәрҹүмәси беләдир:
Мәрһәмәтли вә Рәһмли Аллаһын Ады илә
Аллаһ Гурани Кәримдә белә бујурмушдур: “(Ја Рәсулум!) Јәһудиләри вә мүшрикләри иман ҝәтирәнләрин ән пис дүшмәни ҝөрәрсән...” (Маидә, ајә 82)
Имам Һүсејнин (ә) шәһадәтинин 40 –ҹы ҝүнүнүн (Әрбәинин) илдөнүмүндәјик вә милјонларла азад инсан онун мүгәддәс јолунда һәрәкәт етмәклә, онунла бејәтләрини јениләјәрәк, мүгәддәс һәрәминә доғру ирәлиләјир. Амма бу елә бир анда баш веир ки, Әрбилдә бир груп сатгын топлашараг Исраил илә әлагәләрин нормаллашдырмаг истәјәнләр, динини вә торпағыны горумаг үчүн пак ҹанлары гурбан верән Ираг өлкәсини, дүнјаја залым ишғалчыја тәрәф сазиш әлини узадан кими ҝөстәрмәјә чалышырлар.
Гәсбкар, ҹинајәткар, гадынларын, ҝүнаһсыз инсанларын вә ушагларын гатили олан, залым режими гануниләшдирмәјә јөнәлмиш бу хәјанәткар һәрәкәти шиддәтлә гынајырыг. Ираг халгынын бүтүн шәрәфли өвладларыны һәр ҹүр шәкилдә бу алчалдыҹы вә мәкирли плана гаршы чыхмаға вә бу хәтәрли планын гаршысыны алмаг үчүн ҝүнаһкарлары ҹәзаландырмаға чағырырыг.
“Рәббинин ајәләри илә өјүд-нәсиһәт верилдикдән сонра онлардан үз дөндәрән кәсдән даһа залым ким ола биләр?! Биз, шүбһәсиз ки, онлардан интигам алаҹағыг!” (Сәҹдә, ајә 22)
19. Сәфәр. 1443 -ҹү ил
26. Сентјабр. 2021
Гејд етмәк јеринә дүшәр ки, сон бир нечә ҝүндә Әрбил шәһәриндә 300 -дән чох адамын иштиракы вә көчәри тајфаларын иштиракы илә бир топланты кечирилди вә орада оланлар Ирагын Сионист режими илә мүнасибәтләринин нормаллашдырылмасына чағырдылар. Бу һәрәкәт, мүхтәлиф сијаси сәвијјәләрдә вә Ираг ҹәмијјәтинин фәргли тәбәгәләриндә мәнфи реаксијалара вә ҝениш бир гынама далғасына сәбәб олду.
Диггәт: Хәбәрдән Истифадә Етдикдә Мәнбәјә Истинад Лазымдыр!
