Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Шәһид Дағир Институтунун рәһбәри, бу институтун иллик сәрҝисинә тохунараг дејиб: “Бу институт, Нәҹәфдән Кәрбәлаја ҝедән јолда 745 -ҹи сүтунда Кәрбәла әјаләтиндә илк иллик сәрҝисини ики һиссәдә вә сәккиз кабинәдә кечирди.”
АБНА редаксијасынын мүхбиринә вердији ексклүзив мүсаһибәсиндә сөзүнә белә әлавә етди: "Шәһид Дағир Институтунун сәрҝисинин биринҹи һиссәси ИШИД -ә гаршы мүһарибә шәһидләринин шәкилләри вә бу шәһидләрдән галан јадиҝарлар илә бағлыдыр. Сыра илә биринҹи кабиндән дөрдүнҹү кабинә исә Гуран Кәрим, Имам Һүсејнин (әлејһи сәлам) әсһабы, шәһид командирләр вә Имам Һүсејнин (әлејһи сәлам) гатилләринә аиддир.
Шәһид Дағир Институтунун рәһбәри дејиб: “Бу институтун иллик сәрҝисинин икинҹи һиссәсиндә Американын Ираг вә бөлҝәдәки ҹинајәтләринин 72 фотошәкили иҹтимаијјәтә тәгдим едилди. Бу сәрҝидәки диҝәр көшкләр Ашура һадисәсинин 3Д - үч өлчүлү нүмајиши, шәһидләрә мәктуб вә ушаг рәсмләри илә бағлыдыр.”
АБНА мүхбиринин Әрбәин зәвварларынын тәһлүкәсизлијинин тәмин едилмәсиндә Шәһид Мүгавимәт командирләринин ролу илә бағлы вердији суала ҹаваб олараг дејиб: “Шәһид Һаҹы Гасым Сүлејмани вә Әбу Меһди әл-Мүһәндисинин Ирагда, бөлҝәдә вә Әрбәин зәвварларынын тәһлүкәсизлијин гурулмасында бөјүк ролу олмушдур.”
Шәһид Дағир Институтунун рәһбәри сонда Ислам Ингилабынын Али Рәһбәринин төвсијјәләринә ишарә едәрәк дејб: “Шәһидләрин хатирәсини јад етмәк, Али Тәглид Мәрҹәләринин вә башлыҹа Вәлијји Фәгиһин төвсијәсидир. Шәһидләрин хатирәсини горумаг бизим борҹумуздур.”
Диггәт: Хәбәрдән Истифадә Етдикдә Мәнбәјә Истинад Лазымдыр!
