АБНА24 Хәбәр Верир, Һүсејн Әмир Абдуллаһијан ҝөрүшдә билдириб ки, Иранын БМТ, хүсусән бу тәшкилатын баш катибләри илә мүнасибәтләри һәмишә сых вә сәмими олуб. О, БМТ баш катибинин конструктив сәјләри вә бахышына ҝөрә тәшәккүр едиб.
Иранын хариҹи ишләр назири һәмчинин вурғулајыб ки, Бирләшмиш Милләтләр Тәшкилатынын реҝионда ҹидди вә конструктив рол ојнамасы һәр замандакындан даһа ваҹибдир.
«Фәләстиндән Суријајадәк, Јәмәндән Әфганыстанадәк- һәр јердә БМТ-нин әдаләтли вә мәсулијјәтли иштиракына еһтијаҹ вар.»-дејә, Иранын хариҹи ишләр назири билдириб.
Әмир Абдуллаһијан сонра билдиирб ки, Америка санксија вә терроризмдән халглара гаршы вә өз сијаси мәгсәдләри үчүн истифадә едир. Онун бариз нүмунәси, ҝенерал Сүлејманијә гаршы горхагҹасына террорун төрәдилмәси олубдур.
Иранын хариҹи ишләр назири сонда вурғулајыб ки, бу ҹүр гочулуг һәрәкәтләри гаршысында Бирләшмиш Милләтләр Тәшкилатындан јекдил сәсин ҝәлмәси зәруридир.
«Әлбәттә, Иран ҝенерал Сүлејманини вә онунла јанашы оланлары террор едән амилләр вә она ҝөстәриш верәнләри әдаләтин әлинә тапшырмаг үчүн милли вә бејнәлхалг сәвијјәләрдә өз тәгиб вә фәалијјәтләрини давам етдирир»-дејә, Әмир Абдуллаһијан гејд едиб.
БМТ-нин баш катиби ҝөрүшүн давамында билдириб ки, өтән онилликләрдән бәри Иранла танышлығы вар вә мүхтәлиф вәзифәләрдә оларкән Ирана сәфәр едиб. О, Иран Ислам Республикасы илә Бирләшмиш Милләтләр Тәшкилаты арасындакы һәмкарлыглары јахшы адландырыб.
Американын нүвә анлашмасындан чыхмасынын рәдд олунмасына даир БМТ-нин принсипиал мөвгејинә тохунан Антонио Гутерреш дејиб ки, даима нүвә анлашмасынын һимајәдары олубдур.
342/
25 sentyabr 2021 - 15:29
Xəbər kodu: 1182997
БМТ Баш Ассамблејасынын сессијасынын кәнарында бу тәшкилатын баш катиби илә ҝөрүшән Иранын хариҹи ишләр назири онунла, БМТ илә һәмкарлыгар вә реҝионун вәзијјәти барәдә данышыб.
