АБНА24 Хәбәр Верир, Сејид Ибраһим Рәиси дүнән ахшам Таҹикистана үчҝүнлүк сәфәрдән ҝери дөнәркән бу сәфәрин наилијјәтләрини шәрһ едиб.
Билдириб ки, Иран Ислам Республикасынын Шанхај Әмәкдашлыг Тәшкилатынын әсас үзвү кими иштиракы Иран халгы үчүн ҝүҹлү игтисади әлагә јарадыр ки, бу да Иранын Асија игтисади инфраструктурларына вә ондан ирәли ҝәлән сабит мәнбәләрә гошулмасы демәкдир.
Иран Ислам Республикасынын президенти Таҹикистана сәфәринин диҝәр наилијјәтини реҝион өлкәләринин башчылары илә икитәрәфли ҝөрүшләрин кечирилмәси адландырыб.
«Таҹикистанын президенти вә диҝәр рәсмиләрилә рәсми ҝөрүшдә ики өлкәнин мәдәни, сијаси вә игтисади әлагәләриндә јени фәслин башланмасы барәдә разылашдыг. Иран-Таҹикистан мүнасибәтләринин инкишафы јолунда мөвҹуд олан проблемләр илә бағлы гәрара алынды ки, ики өлкәнин иҹра башчылары мүнасибәтләрин јени фәслинә ҝириш үчүн бу проблемләри арадан галдырсынлар.»- дејә, Иран президенти вурғулајыб.
Рәиси Шанхај Әмәкдашлыг Тәшкилатынын саммитинин кәнарында Әфганыстан мөвзулу коллектив тәһлүкәсизлик иҹласында иштиракы бу сәфәрин диҝәр наилијјәти адландырыб. Гејд едиб ки, бу иҹласда Иран Ислам Республикасынын Әфганыстана даир мөвгеји бәјан едилиб вә бу мөвзу әтрафында реҝионал бирлијин јарадылмасына сәј ҝөстәрилиб ки, хошбәхтликдән, бу бирлик әлдә олунубдур.
342/
20 sentyabr 2021 - 08:56
Xəbər kodu: 1181586
Иран президенти дејиб ки, Иран Ислам Республикасынын Шанхај Әмәкдашлыг Тәшкилатына даими үзвлүјү стратежи һәрәкәт вә дипломатик уғур иди.
