АБНА24 Хәбәр Верир, Ермәнистан парламентинин мүдафиә вә тәһлүкәсизлик комитәсинин сәдри Кочарјан Ирәванда кечирилән брифингдә сәрһәд мәсәләси илә бағлы данышыглар апарылаҹағыны тәсдиг едиб. О дејиб: “Биз ҝәрҝинлијин азалдылмасы вә сүлһүн мөһкәмләндирилмәси просесини дөнмәјән просесә чевирмәлијик”.
Онун ардынҹа Ермәнистан баш назиринин мүавини Мгер Григорјан да журналистләрә сәрһәдин делимитасијасы вә демаркасијасы зәрурәтиндән данышыб.
“Дүшүнүрәм ки, мүәјјән бир просесә башламаг лазымдыр”, дејә о, Русија Федерасијасы ХИН-ин мәтбуат катиби Марија Захарованын Ермәнистан вә Азәрбајҹан арасында сәрһәдин делимитасијасына башламаг зәрурәти һаггында чағырышыны шәрһ едәркән билдириб.
Гејд едәк ки, Марија Захарова Москвада кечирдији брифингдә билдирмишди ки, Русија Ермәнистан-Азәрбајҹан сәрһәдинин делимитасијасы вә демаркасијасы просеси илә бағлы тәклифләрини Бакы вә Ирәвана тәгдим едиб.
Онун сөзләринә ҝөрә, Русија тәрәфи 2020-ҹи илин нојабрында вә 2021-ҹи илин јанварында ән јүксәк сәвијјәдә әлдә едилән үчтәрәфли разылашмаларын иҹрасына мүвафиг олараг бөлҝәдә игтисади вә нәглијјат әлагәләрини паралел инкишаф етдирмәк үчүн Азәрбајҹан вә Ермәнистанла бирҝә сәјләрини давам етдирәҹәк.
Бу арада бәзи Ермәнистан КИВ-ләри ҝәләҹәк сазишин бәндләри барәдә мәлумат јајыблар. Онларын мәлуматына ҝөрә, ҝәләҹәк сүлһ мүгавиләсиндә Гарабағын һәр һансы статусу мүәјјән едилмир, сәрһәдләр ССРИ дөврүнүн хәритәләри әсасында мүәјјән едилир, Русија сүлһмәрамлы миссијасынын мүддәти узадылыр, Зәнҝәзур јолу ачылыр вә Азәрбајҹан нәглијјатын кечидинә ҝөрә өдәниш едәҹәк.
Рәсми Бакы бу мәлуматларла, еләҹә дә Москвадакы данышыглар факты илә бағлы шәрһ вермир.
342/
19 sentyabr 2021 - 13:24
Xəbər kodu: 1181388
Ермәнистанда ејни заманда бир нечә рәсми мәнбә Москвадакы данышыгларын јекунларына ҝөрә Азәрбајҹан вә Ермәнистанын делимитасија вә демаркасија просесинә башламаг барәдә разылыг әлдә етдијини билдирир.
