АБНА24 Хәбәр Верир, Иранын һөкумәт башчысы Таҹикистан, Русија вә Чин рәһбәрләринә үзвлүк ишиндә бу өлкәјә көмәклик ҝөстәрдикләринә хатир дәрин миннәтдарлығыны билдириб
Беләликлә дә Таҹикистанда кечирилән Шанхај Әмәкдашлыг Тәшкилатынын зирвә саммити чәрчивәсиндә Иранын үзвлүјү сәсә гојулараг, бу өлкә тәшкилатын 9 әсас үзвүндән бири олуб.
Гејд едәк ки, Иран бундан өнҹә мүшаһидәчи гисминдә тәшкилатын иҹласларына гатылырды.
Бундан өнҹә хәбәр верилмишди ки, Шанхај Әмәкдашлыг Тәшкилатына үзв дөвләтләрин лидерләри тәрәфиндән Иранын тәшкилата даими үзвлүјүнүн гәбул едилмәси, Мисир Әрәб Республикасы, Гәтәр вә Сәудијјә Әрәбистанына диалог ортағы мөвгејинин верилмәси просеси илә бағлы гәрарын гәбул едәҹәји ҝөзләнилир.
Шанхај Әмәкдашлыг Тәшкилаты 1996 -ҹы илдә Шанхајда Русија, Чин, Газахыстан, Гырғызыстан вә Таҹикистан президентләринин иштиракы илә јарадылыб. 2005 -ҹи илдә Иран, Һиндистан вә Пакистан тәшкилата мүшаһидәчи олараг, 2017 -ҹи илдә исә Һиндистан вә Пакистан бура даими үзв олуб.
Әфганыстан, Монголустан вә Беларусија һазырда тәшкилатын мүшаһидәчи үзв дөвләтләридир вә Ермәнистан, Азәрбајҹан, Непал, Камбоҹа, Түркијә вә Шри-Ланка 2015 -ҹи илдә тәшкилата үзв олмаг үчүн мүраҹиәт едибләр.
342/
18 sentyabr 2021 - 12:41
Xəbər kodu: 1181002
Президент Сејид Ибраһим Рәиси Иран Ислам Республикасынын Шанхај Әмәкдашлыг Тәшкилатына тамһүгуглу үзв кими гәбул олундуғуну ачыглајыб.
