АБНА24 Хәбәр Верир, "Грапарак" гәзетиндәки мәлуматда иддиа олунур ки, Москвада сүлһ мүгавиләси илә бағлы мүзакирәләр апарылыб. Иддиаја ҝөрә, Ермәнистанын мүдафиә назири Аршак Карапетјанын рәһбәрлик етдији нүмајәндә һејәти Русијада кечирилән “Гәрб-2021” һәрби тәлимләри чәрчивәсиндә Азәрбајҹанла сүлһ мүгавиләсинин деталларыны мүзакирә едиб.
Гејд олунур ки, мүзакирәләр заманы ҝуја, сәрһәдләрин делимитасија вә демаркасија просесинин кечмиш ССРИ хәритәсинә ујғун апарылмасы разылашдырылыб. Ејни заманда, Зәнҝәзур дәһлизинин ачылмасынын реаллашаҹағы вә Ермәнистана јола ҝөрә транзит һаггы өдәниләҹәјинин мүмкүнлүјү дә билдирилир.
Русија сүлһмәрамлыларынын Гарабағда галма мүддәтинә 5 илдән сонра бахылмасы да мүзакирә олунан деталлар сырасында садаланыр. Иддиа олунур ки, сүлһ мүгавиләси илә бағлы бәзи мәсәләләр, о ҹүмләдән Гарабағ ермәниләрнин “статусу”на даир суаллар һәлә ки ачыг галыр.
Иддиаларын нә дәрәҹәдә һәгигәт олдуғу бәлли дејил. Чүнки сон дөврләр рәсми Бакыдан һеч ким Русијаја сәфәр етмәјиб вә Москванын васитәсичијилә сүлһ мүгавиләсинә даир һәр һансы мүзакирәләрин апарылдығы барәдә информасија јохдур. 44 ҝүнлүк Икинҹи Гарабағ Мүһарибәси 10 нојабр 2020-ҹи ил тарихли Ермәнистан, Азәрбајҹан вә Русија дөвләт башчылары арасында имзаланмыш атәшкәс һаггында үчтәрәфли бәјанатла дајандырылыб. Һәмин бәјанатда өлкәләр арасында бүтүн коммуникасијаларын ачылмасы нәзәрдә тутулур.
342/
18 sentyabr 2021 - 12:30
Xəbər kodu: 1180993
Ермәнистан медиасы бу өлкәнин Азәрбајҹанла сүлһ мүгавиләси имзалаја биләҹәји барәдә мәлумат тиражлајыб.
