Чин сәфири Талибанын һөкумәт гурмасыны тәбрик етди-ТӘҺЛИЛ

АБНА24 Хәбәр Верир, Талибан сөзчүсү Тwиттер-дә мәлумат вериб ки, Чинин Әфганыстандакы сәфири, Талибан үзвләрини јени бир һөкумәтин гурулмасы мүнасибәтилә тәбрик едиб вә билдириб ки, Чин Әфганыстанла һуманитар, игтисади вә сијаси әмәкдашлығы вә әлагәләри инкишаф етдирмәјә вә ҝүҹләндирмәјә давам едәҹәк.

Бу мәлумата әсасән, Чин сәфири өлкәсинин Әфганыстанда сүлһүн бәрпасы үчүн төһфәсини вермәјә вә бу өлкәјә сосиал-игтисади инкишафыны стимуллашдырмаг үчүн һәр ҹүр көмәк ҝөстәрмәјә һазыр олдуғуну билдириб.

Марагылыдыр Чинин Талибанла рәсми әлагәси Әфганыстанда Талибанын инсан һагларыны вә халгын азадлыгларыны позмасы, ејни заманда јени режимин әһатәли һөкумәт гураҹағына даир вәдләрини јеринә јетирмәмәси фонунда баш верир.

Чинин Хариҹи Ишләр Назирлији бир мүддәт әввәл билдирмишди ки, Талибанла әлагәләрин гурулмасындан јалныз Әфганыстанда толерант бир һөкумәт гурулдугдан сонра данышмаг мүмкүн олаҹагдыр. Она ҝөрә дә Чин сәфиринин Талибан тәрәфиндән гурулмуш һөкумәти тәләсик тәбрик етмәси мүәјјән суаллар јаратмышдыр.

Әксәр мүшаһидәчиләр бу гәнаәтдәдирләр ки, АБШ-ын Әфганыстандан ҝери чәкилмәси бөлҝәдә јени бир реаллыға сәбәб олуб. Талибан вә Чин нүмајәндәләри һәлә кечән илин ијул ајында ҝөрүшмүшдүләр. Бу ҝөрүшдән сонра исә “Талибан” һәр һансы бир гүввәнин Әфганыстандан Чинә зәрәрли аддымлар атмасына иҹазә вермәјәҹәјини бәјан едиб. Бундан әлавә, Чин ҝәләҹәкдә јенидәнгурма вә игтисади инкишафда даһа бөјүк рол ојнајараг Әфганыстанда сүлһ вә барышыг просесинә даһа чох ҹәлб олунаҹағына үмид едир.

Һазырда АБШ президенти Ҹо Бајденин Әфганыстандан чәкилмә гәрарыны тәнгид едәнләр бунун Чинин өлкәјә игтисади вә сијаси тәсирини артыраҹағыны иддиа едирләр. Үстәлик, АБШ гүввәләринин ҝери чәкилмәсинин Әфганыстанда бир бошлуг јаратдығыны вә Чинин һәм Мәркәзи, һәм дә Ҹәнуби Асијада реҝионал мөвгејини мөһкәмләндирмәк үчүн АБШ-ы әвәз етмәк вә өлкәдәки минерал еһтијатлары чыхармаг имканы олаҹағыны иддиа едирләр. Һәр шејдән әввәл, Әфганыстандакы јени вәзијјәтин Чин ширкәтләри үчүн, хүсусилә дә надир минерал еһтијатларына сәрмајә гојмасы үчүн јени имканлар јаратдығыны дүшүнүрләр.

Мүшаһидәчиләр билдирирләр ки, Әфганыстанын “Бир Кәмәр Бир Јол” тәшәббүсүнә интеграсијасы илә бағлы бу ҹүр инвестисијалар вә лајиһәләр Талибанын Чиндән асылылығыны артыраҹаг вә Чиндә вә ја Мәркәзи Асијада радикал груплары дәстәкләмәсинин гаршысыны алаҹаг.

342/