АБНА24 Хәбәр Верир, сионист режим һәрбшиләри чәршәнбә ахшамы ҝүнү бир чох фәләстинлинин "Азадлыг Тунели" әсирләринә дәстәк аксијасы кечирдији заман Наблуса һүҹум едибләр.
Һүҹум заманы сионист һәрбчиләрлә фәләстинлиләр арасында шиддәтли тоггушмалар баш вериб, сионистләр фәләстинли етиразчылары пластик ҝүллә вә дәјәнәкләрлә дөјәрәк, 23 фәләстинлини ағыр јаралајыблар.
Базар ертәси ҝеҹәси дә Фәләстин халгы, Иордан чајынын гәрб саһили вә Гәззәнин мүхтәлиф шәһәрләриндә "Азадлыг Тунели" әсирләринә вә сионист режимин һәбсханаларындакы диҝәр фәләстинли мәһбуслара дәстәк аксијасы кечириб ки, сионист режим һәрбчиләри илә тоггушмалара вә 40-дан чох фәләстинлинин силаһ, ҝөзјашардыҹы газ вә сәс бомбалары илә јараланмасына сәбәб олуб.
Кечән һәфтә 6 фәләстинли әсирин ҹидди горунан Ҝилбоа һәбсханасындан гачмасындан сонра сионист режимин тәһлүкәсизлик гүввәләри фәләстинли мәһбуслара гаршы дүшмәнчилик һәрәкәтләрини шиддәтләндириб вә "Азадлыг Тунели" Әмәлијјатынын 4 әсириндән бири олан Зәкәријја Әл-Зүбејдијә тутулан кими ағыр ишҝәнҹәләр вериб.
Фәләстинли груплар да сионист режимин бу һәрәкәтләринә ҹаваб олараг, Мисир васитәсилә һәмин режимә кәскин месаж ҝөндәриб вә тәһдид едибләр ки, әсирләрә гаршы репрессив һәрәкәтләрин давам едәҹәји тәгдирдә, бу режимлә олан бүтүн кечмиш атәшкәс разылашмаларыны ләғв едәҹәкләр.
342/
16 sentyabr 2021 - 07:43
Xəbər kodu: 1180342
Сионист режим гүввәләри Наблус шәһәринә һүҹум едәрәк, 23 фәләстинлини ағыр јаралајыблар.
