АБНА24 Хәбәр Верир, Мәҹид Тәхте Рәванчи БМТ Тәһлүкәсизлик Шурасынын иҹласындакы чыхышында дејиб ки, Әфганыстан бөһранлы бир заман кәсијиндән кечмәкдәдир.
Иранын БМТ-дәки сәфири вә даими нүмајәндәси сонра билдириб ки, бу дурум, һәр шејдән габаг АБШ-ын вә диҝәр хариҹи гүввәләрин Әфганыстана мүдахиләләри вә орадан мәсулијјәтсизҹәсинә чыхмаларынын бирбаша нәтиҹәсидир.
Тәхте Рәванчинин сөзләринә ҝөрә, америкалылар вә гәрблиләр Әфганыстана ҝирәркән әфганлар үчүн мүсибәти мүждә ҝәтирди вә ораны тәрк едәндә дә архаларынҹа фәлакәт гојуб ҝетдиләр.
«Әфганыстанда милјонларла нәфәр еһтијаҹлынын илкин еһтијаҹларынын тәмини ваҹиблијинә ҝөрә, Теһран, Иранын лиманлары, аеропортлары, дәмир вә шосе јоллары, һәмчинин сәрһәд кечидләри васитәсилә бу өлкәјә һуманитар јардымларын көчүрүлмәсини асанлашдырмаға һазырдыр»- дејә, Иранын БМТ-дәки сәфири вә даими нүмајәндәси билдириб.
Тәхте Рәванчи һәмчинин дејиб ки, Иран гырх илдән чох мүддәт әрзиндә милјонларла әфган мүһаҹирә ев саһиблији едиб вә сон бөһрандан сонра даһа чох сајда мигрант Иран әразисинә дахил олубдур.
342/
11 sentyabr 2021 - 19:21
Xəbər kodu: 1179085
Иранын БМТ-дәки сәфири вә даими нүмајәндәси билдириб ки, Әфганыстанын гоншуларынын хариҹи ишләр назирләринин нөвбәти иҹласы Теһранда кечириләҹәк.
