АБНА24 Хәбәр Верир, Ливан парламентиндәки мүгавимәт фраксијасы Бејрутун мараглары әлејһинә олан мәсәлә гаршысында мүгавимәтин ваҹиблијини вурғулајыб вә Иран Ислам Республикасы танкерләринин Ливана доғру һәрәкәтини әҹнәбиләрин һөкмранлығындан хилас олмаг истигамәтиндә мүгавимәтин әзмкарлығынын нишанәси адландырыб.
Бу барәдәки бәјанатда дејилир ки, фәал һөкумәтин иштиракы олмадан Ливандакы һазыркы шәраитин давам етмәси ливанлыларын марагларына гаршы олмагла бәрабәр, инкишаф фүрсәтләринин зәифләдилмәси демәкдир вә белә бир шәраитдә Ливанын дүшмәнләри өз ирадәләрини бу өлкәјә гәбул етдирмәк үчүн даһа артыг фүрсәт јарадырлар.
Ливан Һизбуллаһынын баш катиби Сејид Һәсән Нәсруллаһ иранлы танкерләрин Ливана доғру һәрәкәтинин Ливанын санксијасы үзәриндә сәрмајә гојмуш вә буна үмид бәсләмиш кәсләрин ифшасына сәбәб олдуғуну билдириб.
Бәјанатда сонра дејилир ки, Сејид Һәсән Нәсруллаһын Ирандан јанаҹағын сатын алынмасына исрар етмәси Ливан халгына јардым етмәк,/ бу өлкә халгынын тәһгир едилмәсинә вә игтисади санксијасынын давам етмәсинә мане олмаг истигамәтиндәдир. Бу үздән, америкалылар Ливан Һизбуллаһы баш катибинин хәбәриндән сонра сүрәтлә бу өлкәјә јанаҹағын чатдырылмасы үзрә гәдим лајиһәләрин иҹрасынын сорағына ҝетди вә Ливана гаршы өз санксијаларыны позмаға сәј етдиләр.
342/
11 sentyabr 2021 - 19:14
Xəbər kodu: 1179077
Ливан мүгавимәт фраксијасы Иран танкерләрини Ливанын санксија едилмәсинә үмид бәсләјән кәсләрин симасынын ифша олунмасы амили адландырыб.
