АБНА24 Хәбәр Верир, бу барәдә Фәләстин Әл-Јоум" мәлумат вериб.
Мәлуматына ҝөрә, Фәләстинин Ислами Ҹиһад Һәрәкаты, 6 фәләстинли әсирин Ҝилбоа һәбсханасындан гачмасындан сонра сионист режимин һәбсханадакы фәләстинли әсирләрә гаршы шиддәтләнән дүшмәнчилик һәрәкәтләри илә бағлы бәјанат јајыб вә ону гынајыб.
Ислами Ҹиһад бу бәјанатда, бүтүн фәләстинлиләри Иордан чајынын гәрб саһилинин мүхтәлиф бөлҝәләриндә сионист режимлә гаршыдурмалары ҝүҹләндирмәјә чағырыб.
Бундан әввәл дә, Ислами Мүгавимәт Һәрәкаты Һәмас бир бәјанат јајараг, сионист режимә һәбсханаларындакы фәләстинли мәһбуслара гаршы репрессив тәдбирләрин давам етмәсинин нәтиҹәләри илә бағлы хәбәрдарлыг едәрәк, бу тәһлүкәли сијасәтин нәтиҹәләринә вә бүтүн мәһбусларын һәјатына ҝөрә сионист режимин там мәсулијјәт дашыдығыны билдириб.
Дүнән дә, Фәләстин мүгавимәт груплары, Мисир васитәсилә сионист режимә сәрт бир месаж ҝөндәрәрәк, Ҝилбоа һәбсханасындан гачан алты мәһбуса гаршы һәр һансы бир һүҹум, террор вә ја аиләләринә тәзјиглә бағлы хәбәрдарлыг едәрәк, белә олаҹағы һалда һәрби гаршыдурманын баш верәҹәјини сөјләјибләр.
Гејд едәк ки, базар ертәси ҝүнү 5-и Ислами Ҹиһад Һәрәкатынын, диҝәри исә Фәтһ һәрәкатынын үзвү олан алты фәләстинли мәһбус Фәләстинин ишғал олунмуш әразиләринин шималында јерләшән вә ҝүҹлү тәһлүкәсизлик тәдбирләри илә горунан Ҝилбоа һәбсханасындан гачмаға мүвәффәг олублар.
Алты фәләстинли мәһбусун гачмасындан сонра Исраил режиминин тәһлүкәсизлик гүввәләри һәбсханалардакы фәләстинли мәһбуслара гаршы шиддәти артырыб вә онларын бир нечәсинин аиләләрини һәбс едибләр.
342/
10 sentyabr 2021 - 17:09
Xəbər kodu: 1178647
Фәләстинин Ислами Ҹиһад Һәрәкаты сионистләрин фәләстинли әсирләрә гаршы һәрәкәтләрини бағышланмаз ҹинајәт адландырыб вә вурғулајыб: "Сионистләр билмәлидирләр ки, мүгавимәт фәләстинли мәһбуслары тәк гојмајаҹаг".
