АБНА24 Хәбәр Верир, Һаҹыјев билдириб ки, 10 нојабр Үчтәрәфли разылашмасы сүлһмәрамлы гүввәләр үчүн "сијаси вә мүәјјән дәрәҹәдә һүгуги чәрчивәни" мүәјјән едиб.
"Әлавә разылашмалара вә сүлһмәрамлыларын мандаты барәдә әлавә һүгуги механизмләр мәсәләсинә ҝәлдикдә, тәрәфләр арасында бу барәдә илкин контактлар олуб вә мүәјјән мүзакирәләр һәлә давам едир", - Һаҹыјев билдириб.
"Бүтүн Гарабағ Азәрбајҹанын суверен әразисидир, бејнәлхалг иҹтимаијјәт Азәрбајҹанын әрази бүтөвлүјүнү вә суверенлијини таныјыр вә 10 нојабр бәјанатына ујғун олараг сүлһмәрамлы гүввәләр Азәрбајҹанын Гарабағ бөлҝәсинин мүәјјән бир һиссәсиндә мүвәггәти олараг јерләшдирилибләр", - Президентин көмәкчиси гејд едиб.
Һикмәт Һаҹыјевин “үчтәрәфли разылашма сүлһмәрамлыларын фәалијјәтинә мүәјјән дәрәҹәдә һүгуги чәрчивә јарадыб” демәси ҝөстәрир ки, үчтәрфли разылашманын бу саһәдә ҹидди бошлуглары вар вә мүзакирәләр дә һәмин бошлуглары дүзәлтмәк мәгсәдини ҝүдүр.
Бир чох експертләрә ҝөрә Русијанын мәгсәди Гарабағда мөвгеләрини мөһкәмләндирмәк вә мүвәггәти дејил давамлы олараг орада фәалијјәт ҝөстәрмәкдир вә буна ҝөрә дә онларын фәалијјәтләри илә бағлы мүзакирәләрдән нәсә ҝөзләмәјә дәјмәз.
Сијаси аналитикләр дејирләр ки, Азәрбајҹан Республикасы русијалы сүлһмәрамлыларын ганунсуз һәрәкәтләринә ҝөрә Русијаја нота вермәли вә сүлһмәрамлы миссијасындан имтина етмәлидир.
342/
7 sentyabr 2021 - 11:25
Xəbər kodu: 1177638
Азәрбајҹан Президентинин көмәкчиси, Президент Администрасијасынын Хариҹи сијасәт мәсәләләри шөбәсинин мүдири Һикмәт Һаҹыјев ББҸ-јә ачыгламасында дејиб ки, Гарабағда Русија сүлһмәрамлыларынын мандаты илә бағлы әлавә һүгуги механизмләр мәсәләси барәдә мүәјјән мүзакирәләр һәлә давам едир.
