АБНА24 Хәбәр Верир, Түркијә Президенти Рәҹәб Тәјјиб Әрдоған вахташыры Ермәнистана месажлар үнванлајыр, јол хәритәси тәклиф вә тәгдим едир. О, бу ҝүнләрдә етдији чыхышында дејиб ки, фикир ајрылыглары олса да, бир-биринин әрази бүтөвлүјүнә вә суверенлијинә һөрмәт дә дахил олмагла етимад әсасында јахшы гоншулуг мүнасибәтләринин инкишафы үчүн сәмими сәј ҝөстәрмәк мәсулијјәтли бир һәрәкәт оларды.
Хатырладаг ки, ики өлкә арасында мүнасибәтләрин нормаллашмасыны тәмин етмәк үчүн 2009-ҹу илдә Сүрих шәһәриндә протоколлар имзаланды, лакин бу протоколлар ермәни тәрәфинин сәрт мөвгедә дајандығына хатир һеч вахт гүввәјә минмәди. Һазырда исә Ҹәнуби Гафгазда јени реаллыгларын мејдана чыхмасы илә һәр ики тәрәфдә әлагәләрин нормаллашмасына бөјүк һәвәс мүшаһидә олунур. Вә Ермәнистанын баш назири Никол Пашинјан, еләҹә дә Әрдоғанын мүсбәт месажлары һәр ики өлкәнин сијасәтини дәјишмәк истәдијини ҝөстәрир.
Факт будур ки, Түркијәнин Азәрбајҹанла чох јахшы мүнасибәтләри вар. Дағлыг Гарабағ мәсәләсиндә онун мөвгеји Азәрбајҹан мөвгејинә јахын иди вә һәтта бу истигамәтдә Азәрбајҹана һәрби мәсләһәтләр вә сијаси дәстәк верди.
Бу контекстдә мүшаһидәчиләр хәбәрдарлыг едирләр ки, Түркијә индики вәзијјәтдә Ермәнистанла данышыглара ҝирәрсә, бу, Азәрбајҹанла Түркијә арасындакы мүнасибәтләри мүтләг позаҹаг. Зира рәсми Анкара фактики олараг Ермәнистанла мүнасибәтләрин нормаллашмасы просесиндә Гарабағ шәртиндән имтина етмиш олур. Доғрудур, Бакыда Гарабағ мүнагишәсинин һәлл олундуғуну дејирләр, лакин реаллыг буну ҝөстәрмир вә Гарабағын мүһүм бир һиссәси һәлә дә Азәрбајҹанын нәзарәтиндән кәнарда галыр вә АТӘТ Минск Групуна һәмсәдрлик едән дөвләтләр Мадрид Принсипләрини рәһбәр тутараг Гарабаға јени статусун верилмәсиндә исрарлыдырлар. Она ҝөрә дә Түркијәнин бу аддымы Әлијев һөкумәтинин мөвгејини зәрбә алтында гоја биләр.
342/
6 sentyabr 2021 - 08:18
Xəbər kodu: 1177154
Түркијә һөкумәтинин гејд-шәртсиз Ермәнистанла мүнасибәтләри дүзәлмәјә һазырлашмасы Азәрбајҹанда наразаылыг доғура биләр.
