Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Ираг Милли Тәһлүкәсизлик Тәшкилатынын рәһбәри "Әбдүл Гани Әл-Әсәди" Әрбәин мәрасиминә вә гаршыдан ҝәлән парламент сечкиләринә һазырлығын тамамландығыны билдириб.
Диванијә әјаләтинә етдији сәфәри чәрчивәсиндә вердији ачыгламада Әсәди билдириб: "Тәһлүкәсизлик һәр кәсин мәсулијјәтидир вә һазырда 10 октјабрда кечириләҹәк Әрбәин мәрасиминә вә гаршыдан ҝәлән парламент сечкиләринә һазырлыг зирвәсиндәјик".
Бу арада Нәҹәф валилији бу илки Әрбәин мәрасиминдә зәвварларын тәһлүкәсизлијини горумаг үчүн орду, полис вә әл-Һәшд әш-Шабинин иштиракы илә һәртәрәфли бир тәһлүкәсизлик планынын тәшкил олундуғуну ачыглајыб.
Нәҹәф валиси Луи әл-Јасари Нәҹәф әјаләтинин сијаси вә тәһлүкәсизлик рәсмиләри илә кечиртдији тәһлүкәсизлик јығынҹағындан сонра билдириб: "Ҝөрүшдә Әрбәин мәрасими үчүн хүсуси тәһлүкәсизлик тәдбирләринин, Нәҹәф вә Кәрбәлаја сәфәр едәҹәк милјонларла зәвварын тәһлүкәсизлијинин тәмин едилмәси мәсәләси мүзакирә едилди".
О, бу ил дә Нәҹәф Әшрәфдән Кәрбәлаја ҝедән Әрбәин пијада јолунун пилотсуз учан апаратларла вә һава васитәси илә апарылан деталлы бир кәшфијјат әмәлијјаты илә идарә олунаҹағына диггәт чәкәрәк әлавә етди: "Нәҹәф әјаләтинә вә Кәрбәла әјаләтинә ҝедән јоллар там нәзарәтдәдир..."
Диггәт: Хәбәрдән Истифадә Етдикдә Мәнбәјә Истинад Лазымдыр!
