АБНА24 Хәбәр Верир, 31 август 2021-ҹи ил тарихиндә Азәрбајҹан Республикасынын хариҹи ишләр назири Ҹејһун Бајрамов илә Иран Ислам Республикасынын хариҹи ишләр назири Һүсејн Әмир Әбдүллаһијан арасында телефон данышығы баш тутуб.
Назир Ҹејһун Бајрамов, Иран Ислам Республикасынын хариҹи ишләр назири вәзифәсинә тәјин олунмасы мүнасибәтилә һәмкарыны тәбрик едиб, она фәалијјәтиндә уғурлар арзулајыб.
Телефон данышығы заманы Азәрбајҹан Республикасынын хариҹи ишләр назири ики өлкә арасында бүтүн саһәләрдә әмәкдашлығын ҝенишләндирилмәсинин ваҹиблијини вурғулајыб вә Иранын ишғалдан азад едилмиш әразиләрин јенидән гурулмасында даһа чох иштирак етмәсини, һәмчинин транзит саһәсиндә әмәкдашлығыны истәјиб вә Гарабағ реҝионундакы инкишафларла бағлы иранлы һәмкарына мәлумат вериб.
Иран Ислам Республикасынын хариҹи ишләр назири Әмир Әбдүллаһијан да гаршылыглы әлагәләрин бүтүн саһәләрдә инкишаф етдирилмәси еләҹә дә Азәрбајҹан Республикасынын ишғалдан азад олунмуш әразиләриндә јенидәнгурма ишләриндә иштирак үчүн Иран Ислам Республикасынын там һазыр олдуғуну билдириб.
Әмир Әбдүллаһијан Бејнәлхалг сәрһәдләрә һөрмәтин әһәмијјәтини вурғулајыб вә Гафгазда ихтилафларын динҹ јолла дипломатик һәллини вурғулајыб.
Ҝөрүшдә Азәрбајҹан Республикасы хариҹи ишләр назири Ҹејһун Бајрамов, Азәрбајҹан вә Иран арасында дәрин тарихи көкләрә әсасланан достлуг вә әмәкдашлыг мүнасибәтләринин, ҝениш спектрли икитәрәфли әмәкдашлыг ҝүндәлијинин мөвҹудлуғуну вурғулајыб вә ики өлкә тәрәфиндән бир сыра лајиһәләрин уғурла иҹра олундуғуну гејд едиб.
Тәрәфләр, һәмчинин реҝионда мөвҹуд олан ҹари вәзијјәт вә икитәрәфли әмәкдашлығын бәзи мәсәләләри әтрафында фикир мүбадиләси апарыблар.
Назирләр гаршы тәрәфи өз пајтахтларына рәсми сәфәрә дәвәт едибләр вә үз-үзә ҝөрүшләринин ән гыса заманда баш тутаҹағына үмидварлыг ифадә едибләр.
Гејд едәк ки, бундан әввәл Азәрбајҹанын хариҹи ишләр назири Ҹејһун Бајрамов өзүнүн твиттердәки һесабында Иран Ислам Республикасынын јени хариҹи ишләр назири Һүсејн Әмир Әбдүллаһијаны тәбрик етмишди.
342/
1 sentyabr 2021 - 09:30
Xəbər kodu: 1175429
Азәрбајҹан Республикасы хариҹи ишләр назири иранлы һәмкары илә телефон сөһбәтиндә Иранын ишғалдан азад едилмиш әразиләрин јенидән гурулмасында даһа чох иштирак етмәсини истәјиб.
