АБНА24 Хәбәр Верир, Боррел өз мәктубунда гејд едиб ки, Ермәнистан Авропа Иттифагынын мүһүм тәрәфдашыдыр. Онун сөзләринә ҝөрә, 2018-ҹи илдән етибарән Јереван вә Брүссел арасында мүнасибәтләр хејли фәаллашыб, 1 март 2021-ҹи ил тарихиндә Ермәнистан вә АИ арасында Һәртәрәфли вә Ҝенишләндирилмиш Тәрәфдашлыг һаггында Сазишин гүввәјә минмәси исә јени мүсбәт мәрһәлә олду.
"Бу сазишин һәјата кечирилмәси бизим икитәрәфли мүнасибәтләримиздә әсас мәгамдыр вә биз гаршылыглы мараг доғуран саһәләрдә, о ҹүмләдән демократијанын мөһкәмләндирилмәсинә, ганунун вә инсан һүгугларынын алилијинә, иш јерләринин ачылмасына вә бизнес гурулмасына, әтраф мүһитин, тәһсилин вәзијјәтинин вә елми арашдырмалар үчүн имканларын јахшылашдырылмасына јөнәлмиш мәсәләләрдә әмәкдашлығы давам етдирмәјә һазырыг", дејә Авропалы мәмурун мәктубунда билдирилир.
О, АИ-нин Дағлыг Гарабағ мүнагишәсинин узунмүддәтли вә һәртәрәфли низамланмасына шәраит јаратмаға, мүнагишәсонрасы бәрпаја вә ики тәрәф арасында етимад мүһитинин јаранмасына јөнәлмиш тәдбирләрә јардым етмәјә һазыр олдуғуну тәсдиг едиб.
"Бу контекстдә биз АТӘТ-ин Минск Групунун сәјләрини дәстәкләмәјә давам едирик. Сәрһәдләрин делимитасијасы мәсәләсиндә көмәк етмәјә һазырыг", дејә мәктубда гејд едилир.
Хатырладаг ки, Минск групунун һәмсәдрләри олан Франса вә Американын Еләҹә дә Авропа Иттифагынын Дағлыг Гарабағ мүнагишәсинин узунмүддәтли һәллини вурғуламалары Азәрбајҹан Республикасында бу група вә гәрб дөвләт вә гурумларына етимады даһа да сарсыдыр. Рәсми Бакы Дағлыг Гарабағ адлы бир ваһидин вә Дағлыг Гарабағ Мүнагишәсинин артыг мөвҹуд олмадығыны вурғулајыр вә мәһсз буна ҝөрә дә Минск групунун фәалијјәтинә еһтијаҹ галмадығыны билдирир.
342/
30 avqust 2021 - 20:17
Xəbər kodu: 1174998
АИ-нин Хариҹи ишләр вә тәһлүкәсизлик сијасәти үзрә Али Нүмајәндәси Жозеп Боррелин Ермәнистан ХИН башчысы Арарат Мирзојана бу вәзифәјә тәјин едилмәси мәгсәдилә ҝөндәрдији тәбрик мәктубунда Дағлыг Гарабағ мүнагишәсинин узунмүддәтли низамланмасына тохунулуб.
