АБНА24 Хәбәр Верир, назирлик билдирир ки, әсҝәр Һәзијев Чинҝиз Рамин оғлу хидмәт етдији һәрби һиссәдә баш вермиш бәдбәхт һадисә нәтиҹәсиндә һәлак олуб.
Илкин арашдырмалардан ајдын олуб ки, һәрби гуллугчу интиһар едиб вә буна сәбәб аилә-мәишәт проблемләри олуб. Мүдафиә Назирлији етик гајдалара риајәт едәрәк һадисәнин тәфәррүатларыны ачыгламыр.
Һазырда фактла бағлы ҹинајәт иши башланылыб, арашдырма апарылыр.
Мүдафиә Назирлији билдирир ки, бәзи КИВ-ләр һәгигәти кобуд шәкилдә тәһриф едәрәк иҹтимаијјәти чашдырыр вә бунунла да дүшмәнин марагларына хидмәт етмиш олур.
Гејд едәк ки, Азәрбајҹан Республикасы Ордусунда интиһар һалларынын чохалмасы ҹәмијјәтдә нараһатлыг доғурмаға башлајыб. Хүсусилә дә она ҝөрә ки, интиһар едәнләр тәкҹә әсҝәрләр дејил. Ијулун 12-дә Мүдафиә Назирлијинин Н сајлы һәрби һиссәсинин һәрби гуллугчусу, баш лејтенант Орхан Әһмәдовун һәмин ҝүн одлу силаһдан атәш ачмагла өзүнү өлдүрмәси барәдә Фүзули һәрби прокурорлуғуна мәлумат дахил олуб.
Бундан әлавә Нахчыван Әлаһиддә Үмумгошун Ордунун рабитә рәиси полковник Илһам Сејидов да интиһар едиб. Билдирилир ки, полковник Илһам Сејидов августун әввәлләриндә ордудан тәрхис олумаг үчүн рапорт јазыб. Анҹаг ону тәрхис етмәјибләр. Полковник бу сәбәбдән мәһкәмәјә мүраҹиәт едиб. Даһа сонра онун 13-14-ҹү маашыны кәсиб, јохлама кечириб, ҹәримә јазыблар. Мәһкәмә исә полковник Илһам Сејидовун хејринә гәрар вермәдији үчүн интиһар едиб.
342/
29 avqust 2021 - 17:56
Xəbər kodu: 1174599
Азәрбајҹан Республикасынын Мүдафиә Назирлији билдириб ки, бәзи КИВ-дә вә сосиал шәбәкәләрдә Шуша шәһәри истигамәтиндә ордуда хидмәт едән һәрби гуллугчунун шәһид олмасы илә бағлы гејри-дәгиг мәлумат јајылыб.
