Әфганыстан вә Гәрб; 20 иллик ишғалын нәтиҹәси нәдир?

АБНА24 Хәбәр Верир, бу ҝүнләрдә АБШ ордусунун вә мүттәфигләринин Әфганыстандан гачмасыны америкалыларын "Саиҝон" шәһәриндән гачмасы илә мүгајисә едирләр.

1975-ҹи ил апрелин 30-да Ҹәнуби Вјетнамын пајтахты "Саиҝон", Вјетнам Халг Ордусу вә Милли Азадлыг Ҹәбһәсинин әлинә кечди вә АБШ әсҝәрләри рүсвајчы бир шәкилдә орадан гачдылар. "Саиҝон"ун сүгут етмәси АБШ вә мүттәфигләринин Вјетнамдакы мәғлубијјәтинин вә бу өлкәдә мүһарибәнин сона чатмасынын нишанәси иди.

АБШ-ын Вјетнамдакы рүсвајчылығындан 46 ил сонра, АБШ ордусу, 44 диҝәр өлкә илә бирликдә, Әфганыстанда террорун көкүнү кәсмәк шүары илә бу дәфә ејни сәһнәләри бу өлкәдә јаратды.

Дүнјанын бүтүн мүдрик инсанлары Америка вә әнәнәви мүттәфиги олан Инҝилисләрјә бу өлкәләрин Ираг, Әфганыстан, Сурија вә диҝәр өлкәләрдә апардыглары мүһарибәләрин гәтлиам вә мәһв етмәкдән башга һеч бир шеј әлдә етмәјәҹәји барәдә хәбәрдарлыг етсәләр дә, һәлә дә суперҝүҹ иллүзијасында олан Гәрб өлкәләринин башчылары реҝиону ода чәкдиләр вә бу ҝүн, ијирми ил сонра, бәлли олду ки, дағынты, харабалыг, етибарсызлыг, терроризмин ҝенишләнмәси вә милјонларла инсанын дидәрҝин дүшмәси бу мүһарибәләрин әлдә етдији наилијјәтләр имиш.

Гәрбин Әфганыстандакы планы илә бағлы бүтүн һәгигәтләр һәлә үзә чыхмајыб. АБШ вә мүттәфигләри мүһарибәни әсасландырмаг үчүн демократија ҝәтирмәк, Әфганыстаны јенидән гурмаг вә наркотик маддәләрин истеһсалыны азалтмаг кими алдадыҹы шүарларла Әфганыстанда мүһарибәјә башладылар. Амма бу ҝүн нәинки бу шүарлар ҝерчәкләшмәјиб, һәмдә Әфганыстан кечмишдәкиндән даһа етибарсыз вә тәһлүкәли олубдур.

Инҝилтәрәнин баш назири Борис Ҹонсон сон бир һәфтәдә, парламент вә һөкумәт үзвләри илә үчүнҹү тәҹили топланты кечирди вә бунун сонунда мәтбуата вердији мүсаһибәдә бүтүн сөзү бу олду ки, Инҝилтәрә һәрбчиләрини вә вәтәндашларыны Әфганыстандан неҹә тәһлүкәсиз бир шәкилдә чыхара биләр.

Амма тәәссүф ки, АБШ вә Инҝилтәрәнин Әфганыстаны нијә ишғал етдији вә ијирми илдән сонра нәтиҹә һаггында бир ҹүмлә белә демәди.

Доғрудан Гәрбин Әфганыстандакы миссијасы нәдән ибарәт иди?

342/