АБНА24 Хәбәр Верир, Һәзрәт Ајәтуллаһүл-узма Хаменеи бу ҝүн јени президент вә Назирләр Кабинетинин үзвләри илә ҝөрүшдә америкалылары дипломатијанын пәрдә архасында вә тәбәссүмләринин вә заһирән һаглы сөзләрин архасында вәһши вә јыртыҹы ҹанаварлар кими характерзә едәрәк дејибләр: "Әлбәттә бәзи һалларда түлкү кими һијләҝәрдирләр ки, бунун бариз нүмунәси Әфганыстандакы мөвҹуд вәзијјәтдир".
Ислам Ингилабынын Алимәгамлы Рәһбәри Әфганыстаны дост вә Иранла ејни дилә, ејни динә вә ејни мәдәнијјәтә саһиб олан өлкә адландырыблар вә инсанларын проблемләриндән; о ҹүмләдән ҹүмә ахшамы ҝүнү Кабил Һава Лиманында баш верән һадисәләрдән чох кәдәрләндијини ифадә едәрәк, бујурублар: "Бу проблемләр вә чәтинликләр өлкәни 20 ил ишғал едән вә онун халгына һәр ҹүр зүлм тәтбиг едән америкалыларын ишидир".
О, һәзрәт гејд едибләр: "АБШ Әфганыстанын инкишафы үчүн бир аддым белә атмады вә буҝүнкү Әфганыстан сивил инкишафлар вә абадлыг бахымындан 20 ил әввәлдән ҝери галмышса да, ирәлидә дә дејил.
Һәзрәт Ајәтуллаһүл-үзма Хаменеи јени Назирләр Кабинетинин үзвләринә хитабән хариҹи сијасәтдә даһа активлијин ваҹиблијини вурғулајараг, әлавә едибләр: "Дипломатијанын игтисади ҹәһәти ҝүҹләндирилмәлидир вә неҹә ки, бир чох өлкәдә президент өзү игтисади дипломатијаны изләјир, өлкәнин игтисади дипломатијасы да бу бахышла ҝүҹләндирилмәлидир".
Ингилаб Рәһбәри 15 гоншу өлкә илә, һәмчинин бир-ики өлкә истисна олмагла дүнјанын диҝәр өлкәләри илә хариҹи тиҹарәтин ҝенишләндирилмәсини ваҹиб вә мүмкүн һесаб едибләр вә билдирибләр: "Дипломатија нүвә мәсәләсинин тәсири алтында она бағлы олмамалыдыр, чүнки нүвә мәсәләси ајры бир мәсәләдир ки, дүзҝүн вә өлкәјә ујғун шәкилдә һәлл едилмәлидир".
Ислам Ингилабынын Алимәгамлы Рәһбәри хатырладыблар: "Америкалылар нүвә мәсәләсиндә һәгигәтән һәјасызлығын һәддини ашыблар вә һамынын ҝөзү өнүндә нүвә анлашмасындан чыхдыглары бир һалда инди елә данышырлар вә тәләбкарҹасына чыхыш едирләр ки, ҝуја Ислам Республикасы нүвә анлашмасындан чыхыб вә өһдәликләрини јеринә јетирмир. Һалбуки, АБШ-ын нүвә анлашмасындан чыхмасындан сонра узун мүддәт Иран тәрәфиндән һеч бир иш ҝөрүлмәди вә бир мүддәт сонра хәбәрдарлыг етдикдән вә мәлумат вердикдән сонра өһдәликләрин һамысы дејил, бәзиләри дондурулду".
О, һәзрәт Авропа өлкәләринин дә тәхрибат вә әхлагсызлыгда америкалылардан ҝеридә галмадыгларыны бәјан едәрәк, бујурублар: "Онлар да АБШ кимидирләр. Дилбазлыг едәндә вә данышан заман һәмишә тәләбкардырлар, санки бу Иран имиш ки, узун мүддәт данышыглары истеһза едиб вә позуб.
Һәзрәт Ајәтуллаһүл-үзма Хаменеи әлавә едибләр: "АБШ-ын һазыркы рәһбәрлији әввәлки һөкумәтдән һеч нә илә фәргләнмир, чүнки нүвә мәсәләсиндә Трампын Ирандан тәләб етдији шеји башга бир диллә тәләб едир. вә о вахт һөкумәт рәсмиләри бунун мәнтигли олмадығына тәкид едәрәк, гәбул едилмәсинин мүмкүн олмадығыны дејирдиләр.
342/
29 avqust 2021 - 17:51
Xəbər kodu: 1174592
Иран Ислам Ингилабынын Алимәгамлы Рәһбәри вурғулајыблар: "Иран Ислам Республикасы бүтүн һалларда Әфганыстанын мәзлум вә мүсәлман халгынын тәрәфдарыдыр вә бизим һөкумәтләрлә мүнасибәтләримиз онларын Иранла мүнасибәтләриндән вә давранышларындан асылыдыр".
