АБНА24 Хәбәр Верир, Ирагдакы америкалы һәрбчиләрин дурумуна тохунан Фуад Һүсејн билдириб ки, бу гүввәләр Бағдад-Вашингтон стратежи данышыгларындан өнҹә беш мин гүввә олуб вә Ираг ҹари милад илинин сонунадәк онларын бу өлкәдәки иштиракларынын битмәсини тәләб едиб.
Фуад Һүсејн өлкәсинин Иранла мүнасибәтини ҝүҹлү адландырыб. Билдириб ки, реҝиондакы бәзи проблемләрә рәғмән, бу әлагә ҝүҹлү олараг ирәлиләјир.
Бу ираглы рәсми Ираг сечкиләринә дә ишарә едиб вә парламент сечкиләринин тәхирә дүшмәси үчүн һеч бир дәлилин олмадығыны билдириб. Вурғулајыб ки, бу сечкиләр гәрара алынмыш заманда, јәни октјабрын онунда кечириләҹәк вә сечки просесинә малијјә вә сијаси дәстәк үчүн бејнәлхалг бирлик вар.
Бағдад иҹласында мәгсәдин реҝионда вә Ирагын дахилиндә ҝәрҝинлијин азалдылмасы олдуғуну билдирән Ирагын хариҹи ишләр назири дејиб ки, Ираг һөкумәти өлкәләрин башчылары, баш назирләри вә хариҹи ишләр назирләринин ҝәлән шәнбә ҝүнү Бағдад иҹласында иштирак етмәләрини ҝөзләјир.
342/
28 avqust 2021 - 04:43
Xəbər kodu: 1174001
Ирагын хариҹи ишләр назири дејиб ки, рәсми Бағдад ҹари милад илинин сонунадәк беш мин америкалы һәрбчинин Ирагдан чыхмасыны истәјиб.
