АБНА24 Хәбәр Верир, Русијанын хариҹи ишләр назири Серҝеј Лавров Будапештдә маҹар һәмкары илә бирҝә мәтбуат конфрансында өлкәсинин АБШ әсҝәрләрини Мәркәзи Асијада ҝөрмәк истәмәдијини ачыгланыб. “Бизим үмуми тәһлүкәсизлик мәканымыз вар вә бу мәканда өз өһдәликләримиз вар. Мән, Коллектив Тәһлүкәсизлик Мүгавиләси Тәшкилатыны нәзәрдә тутурам, һансы ки, хариҹи силаһлы гүввәләрин онларын әразисиндә јерләшдирилмәсинә аид мәсәләләри бүтүн мүттәфигләрин разылығы илә нәзәрдә тутур. АБШ һәрбчиләринин Әфганыстанла гоншу Мәркәзи Асија өлкәләриндә јерләшдирилмәси бу дөвләтләри һәдәф һалына ҝәтирәр”, - дејә Русија ХИН башчысы вурғулајыб.
Русијалы назирин ачыгламасындан белә баша дүшүлүр ки, Кремл Мәркәзи Асијаны өз арха бағчасы сајараг, башга гүввәләрин бу ҹоғрафијаја ајаг ачмасына имкан вермәјәҹәкдир вә Әфганыстан Талибанын нәзарәтинә кечмәсиндән сонра онун һәссасијјәти икигат артмышдыр. Хүсусилә дә Москвада һесаб едирләр ки, бөлҝәдә екстремизмин јатмыш өзәкләри Әфганыстан истигамәтиндән фәаллашдырыла вә Русијаја башағрысына чеврилә биләр. Она ҝөрә дә Гәрбин вә ја она бағлы олан ифратчы групларын Мәркәзи Асијаја ҝәлмәсинә имкан верилмәмәлидир.
Тәсадүфи дејил ки, Тһе Неw Јорк Тимес гәзети дә сон мәгаләләринин бириндә Мәркәзи Асијаја Русијанын дәгиг нәзарәт етмәсиндән бәһс едиб.
Мәгалә мүәллифләринин фикринҹә Гәрб гүввәләри ҝери чәкилдикдән сонра Русија, Чин вә Пакистан бөлҝә мәсәләләриндә тәсирләрини ҝенишләндирә биләҹәк. АБШ вә Һиндистан исә тәсирләрини итирәҹәк. Әслиндә Москва үчүн Америка гошунларынын тәләсик чыхарылмасы, 1989-ҹу илдә баш верән һадисәләрин хатырлатмасыдыр. Һәмин ил, ССРИ ордусунун бөлмәләринин Әфганыстандан алчалдыҹы шәкилдә ҝери чәкилмәси башлајыб. Һазырда исә, Русија Американын уғурсузлуғуну глобал тәблиғат гәләбәсинә чевириб.
"Независимаја Ҝазета" гәзетинин Әфганыстандакы вәзијјәтлә бағлы мүхбири Андреј Серенко исә дејир ки, "Русија Мәркәзи Асијадакы мөвгејини тез бир заманда бәрпа едә биләр. Американын тәһлүкәсизлик чәтири јох олур, Русија исә өз чәтирини ачыр."
Әфганистандан ҝәләҹәк тәһлүкә гаршысында Газахыстан, Гырғызыстан, Өзбәкистан, Таҹикистан вә Түркмәнистанын өзләринә дәстәк ахтармалары Мәркәзи Асијада тәсир даирәси уғрунда мүбаризә апаран Русијанын бөлҝәдә өз мөвгеләрини мөһкәмләтмәсини асанлашаҹагдыр.
342/
28 avqust 2021 - 04:40
Xəbər kodu: 1173997
Москва Мәркәзи Асијаја нәзарәтини ҝүҹләндирәҹәјинә ејһам вурур.
